Accessibility links

шимбә, 3 декабрь 2016, Казан вакыты 16:58

Bağdatta berniçä şartlaw buldı


Ğiraq başqalasında berniçä bomba şartlap 20 läp keşe ülgän, 50 dän artıq keşe yaralanğan. Kimendä ike şartlaw polisianeñ tikşerep yörüçelärenä yünältelgän bulğan. Anbar wilayätendä Quşma Ştatlarnıñ tağın ber xärbie hälaq bulğan. Alar Süriä çigendäge suğış waqıtında awır yaralanğan ide.

Augustnıñ berençe atnasında Ğiraqta AQŞnıñ 15 xärbie hälaq buldı. Şunıñ 9 ı Anbar wilayätendä. Bağdat Berläşkän millätlär oyışmasınıñ Ğiraqta bulu möddäten tağın ber yılğa ozaytunı soradı. Bu üteneçne Ğiraqnıñ tışqı eşlär ministrı Xoşiär Zebari BMOnıñ general' sekretare Kofi Annanğa yulladı.

BMOnıñ Ğiraqtağı möddäte comğa, 11 augustta tögällänä. Berläşkän millätlär oyışması belgeçläre Ğiraq xäkümätenä oyıştıru häm yüridik yärdäm kürsätälär. Şulay uq sosial' problemalarnı xäl itüdä, xalıqnı humanítar yärdäm belän täemin itüdä dä bulışalar.

XS
SM
MD
LG