İzrail Lebanda operatsiäsen kiñäytä

İerusalem -- İzrailneñ iminlek xökümäte bügenge utırışında Lebandağı cir öste operatsiäsen kiñäytergä digän qarar qabul itte. İzrail ğäskärlärenä, Hezbollanıñ raketa qorılmaların yuq iter öçen, Lebanğa 20 çaqırım eçkä ütep kerergä färman birelde. Ber ay däwam itäçäk operatiädä 30 meñläp xärbi qatnaşırğa mömkin. Çiktän alıp Litani yılğasına qädär cirlärne, İzrail, maşinalar öçen tıyılğan zona dip iğlan itte. Anda kergän här maşina utqa totılaçaq.

İzrail armiäse bügen Taibä awılı yanında bulğan bäreleşlärdä 15 xärbineñ yaralanuın xäbär itte. Hezbolla partizannarı isä İzrailneñ 10 soldatı häläk bulğan yä yaralanğan, 3 tankı yuq itelgän dip belderä.