Yaña xärbi çaralarnı kiçekterü turında xäbär bügen irtän kilde. Ul waqıtqa İzrail tankları çik buyınnan 9 çaqrım yıraqlıqtağı Marjayun şähärenä kerep anı üz kontrolenä alğan ide inde. İzrail ministrı Yitzak Herzog, ägär dä diplomatiäneñ näticäse bulmasa, İzrail xärbi çaralarnı däwam itäçäk, dip belderde.
Xizbulla citäkçese şeix Hässän Nasrulla, İzrail ğäskärlärenä – keregez Libanğa, bezneñ suğışçılar sezne qarşı alırğa äzer, digän ide:
"Sionistlarğa äytäm min, telägän cirgä keregez, ğaskärläregezne urnaştırığız, awıllar häm xärbi noqtalarnı üz kontrolegezgä alığız – bu yañalıq tügel. Ämma sez monıñ öçen cawap totaçaqsız. Bezneñ cirebezdä qala almayaçaqsız, ägär dä kilsägez, bez matur könyaq cirlärebezne okkupant sionistlar ziratına äyländeräçäkbez."
Bu süzlärne Nasrulla 9 avgust çärşämbe könne Xizbullanıñ al-Mansar televideniäsendä yasağan çığışında äytte.
Yaqın Könçığıştağı bu xärbi nizağnı dönya cämäğätçelege borçılu belän küzätsä dä, köç qullanunı tuqtatırğa çaqırulardan tış, turıdan turı qatnaşuçılar yuq, xalıqara cämäğätçelek saq belän reaksiä belderä. Rusiäneñ İslam dönyası belgeçe, ğäräplär tarafdarı Yevgeny Primakov, Xizbullanı qoralsızlandıru kiräk, dip beldergän ide. Primakov, İzrail-Liban çik buyına quyılaçaq xalıqara köçlärgä Rusiä xärbiläreneñ qatnaşu ixtimalın da kire qaqmadı.
Ul arada ike yaqta da, Libanda häm İzraildä qorbannar sanı könnän kön arta. İzrail televideniäse, çärşämbe könne, 15 İzrail xärbie häläk buldı dip xäbär itte. Moñarçı ber köndä bu qadär xärbineñ ülgäne bulmağan ide.
İğtibar xäzer BMO İminlek Şurasına yünälgän. Anda rezolüsiä qabul itü eşe körçekkä terälgän kileş qala. Şura äğzaläre rezolüsiägä İzrailneñ Libannan üz ğaskärlären çığaru şartın kertü-kertmäw mäsäläsendä kileşä almıy. Libannı yaqlağan Fransiä, İzrailneñ Libannan 10 meñgä yaqın xärbien çığaruın taläp itä, anıñ urnınan ilneñ könyağına Libannıñ üz ğaskärlären urnaştırunı täqdim itä. Bäyrut, 15 meñgä yaqın xärbien xäzer ük suğış barğan könyaqqa cibärergä äzer bulğanın belderä.
Waşington isä İzrailne yaqlıy, yağni xalıqara köçlär kilep citkänçe İzrail ğaskärlären Libannan çığarmawnı alğa sörä. İminlek Şurasında söyläşülär bügen däwam itä.
Xizbulla başlığı Nasrulla, Liban xökümäte yaqlı buluın belderde häm Fransiä belän AQŞ täqdim itkän rezolüsiä ölgesen "ğädel tügel" dip bäyäläde. Şulay uq Xizbulla citäkşese İzrailneñ Haifa şähärendä yäşäwçe ğäräplärne öylärennän kitergä çaqırdı, İzrailneñ bu öçençe zur şähärenä raketa höcümnäre qurqınıçı bar.
Alsu Qormaş
Xizbulla citäkçese şeix Hässän Nasrulla, İzrail ğäskärlärenä – keregez Libanğa, bezneñ suğışçılar sezne qarşı alırğa äzer, digän ide:
"Sionistlarğa äytäm min, telägän cirgä keregez, ğaskärläregezne urnaştırığız, awıllar häm xärbi noqtalarnı üz kontrolegezgä alığız – bu yañalıq tügel. Ämma sez monıñ öçen cawap totaçaqsız. Bezneñ cirebezdä qala almayaçaqsız, ägär dä kilsägez, bez matur könyaq cirlärebezne okkupant sionistlar ziratına äyländeräçäkbez."
Bu süzlärne Nasrulla 9 avgust çärşämbe könne Xizbullanıñ al-Mansar televideniäsendä yasağan çığışında äytte.
Yaqın Könçığıştağı bu xärbi nizağnı dönya cämäğätçelege borçılu belän küzätsä dä, köç qullanunı tuqtatırğa çaqırulardan tış, turıdan turı qatnaşuçılar yuq, xalıqara cämäğätçelek saq belän reaksiä belderä. Rusiäneñ İslam dönyası belgeçe, ğäräplär tarafdarı Yevgeny Primakov, Xizbullanı qoralsızlandıru kiräk, dip beldergän ide. Primakov, İzrail-Liban çik buyına quyılaçaq xalıqara köçlärgä Rusiä xärbiläreneñ qatnaşu ixtimalın da kire qaqmadı.
Ul arada ike yaqta da, Libanda häm İzraildä qorbannar sanı könnän kön arta. İzrail televideniäse, çärşämbe könne, 15 İzrail xärbie häläk buldı dip xäbär itte. Moñarçı ber köndä bu qadär xärbineñ ülgäne bulmağan ide.
İğtibar xäzer BMO İminlek Şurasına yünälgän. Anda rezolüsiä qabul itü eşe körçekkä terälgän kileş qala. Şura äğzaläre rezolüsiägä İzrailneñ Libannan üz ğaskärlären çığaru şartın kertü-kertmäw mäsäläsendä kileşä almıy. Libannı yaqlağan Fransiä, İzrailneñ Libannan 10 meñgä yaqın xärbien çığaruın taläp itä, anıñ urnınan ilneñ könyağına Libannıñ üz ğaskärlären urnaştırunı täqdim itä. Bäyrut, 15 meñgä yaqın xärbien xäzer ük suğış barğan könyaqqa cibärergä äzer bulğanın belderä.
Waşington isä İzrailne yaqlıy, yağni xalıqara köçlär kilep citkänçe İzrail ğaskärlären Libannan çığarmawnı alğa sörä. İminlek Şurasında söyläşülär bügen däwam itä.
Xizbulla başlığı Nasrulla, Liban xökümäte yaqlı buluın belderde häm Fransiä belän AQŞ täqdim itkän rezolüsiä ölgesen "ğädel tügel" dip bäyäläde. Şulay uq Xizbulla citäkşese İzrailneñ Haifa şähärendä yäşäwçe ğäräplärne öylärennän kitergä çaqırdı, İzrailneñ bu öçençe zur şähärenä raketa höcümnäre qurqınıçı bar.
Alsu Qormaş