Accessibility links

сишәмбе, 6 декабрь 2016, Казан вакыты 21:03

Oçqıçlarda terror ğämäle kisätelgän


Britanianeñ eçke eşlär ministrı John Reid oçqıçlarda terror ğämälläre oyıştırırğa telägän töp ğäyeplänüçelär totqarlanğan dip sanıy. Barlığı 21 keşe qulğa alınğan. Scotland Yard belderüençä, terror ğämälläre Quşma Ştatlarğa oçqan waqıtta ütkärelergä tieş bulğan.

Quşma Ştatlarnıñ eçke iminlek ministrı Michael Chertoff, terrorçılar sıyıq şartlatqıç qullanırğa cıyınğan häm bu eştä “Äl-qäidä”neñ dä qatnaşı bar, dip belderde.

Britaniadä häm Quşma Ştatlarda hawa transportında citdi iminlek çaraları kürelä. Hawa alannarında yulçılarğa oçqıçqa üzläre belän äyber alıp kerü tıyılğan.

Xalıqara polisia oyışması İnterpol Britania politsiäsen terror höcümnären uñışlı kisätüe belän qotladı häm Londonnañ üzendä bulğan mäğlümatne başqa illär belän dä urtaqlaşırğa çaqırdı.

XS
SM
MD
LG