Accessibility links

Кайнар хәбәр

Başqortostanğa Mäskäw türäläre ağıla


Başqortostanğa federal türälär yıyıldı. İl başlığınıñ İźel buyı federal okrugındağı wäkile Aleksey Konovalov, berense vitse-premier Dmitriy Medvedevtıñ säfäre Öfölä häm Öfö rayonında ütte. Öfögä başta Aleksey Konovalov kilde. Aeroportta unı Mortaza Räximov, Rafael Baydäwlätov, Konstantin Tolkaçev, erele-waqlı başqa türälär qarşı aldı. Dmitriy Medvedev ultırğan samolet huñğaraq ultırźı. Unı qarşı alıuğa la alda hanap ütkän yetäkselär, Aleksandr Konovalov barźı. Añlaşıla ki, yoma kön başqala uramdarında, aeroport yulında xäräkät tuqtatıldı, tığındar xasil buldı. Bıl ike yetäkse Öfögä watansılıq yämğiäten tergeźew institutı eşmäkärlege menän tanışırğa kilgän. Ular dini säyäsät, tarixi häm ruxi miraźtı haqlaw mäsälälären qaranı. Başqortostan mosolman respublikahı iźäplänä. Başqorttar menän tatarźar urıźtarźan küberäk. Aleksey Konovalov Räsäy mosolmandarı diniä nazaratınıñ Räsäy íslam institutında, Ğäliä mäźräsähendä buldı, Mosolman oyoşmaları başlıqtarı menän osraştı. Konovalovtan ayırmalı, milli proekttar ösön yawaplı Dmitriy Medwedev Alekseyevqa xujalığın qaranı. Barıhına la mäğlüm, bıl sovxozdı üźäktän kilgän yetäkselärgä, qunaqtarğa kürhäter ösön totalar. Respublikala awıl xujalığı nisek üźeşkän ikänen kürhätew ösön.

Tağı ber federal çinovnik – mäğärif ministrı Andrey Fursenko Respublika uqıtıusılarınıñ august käñäşmähendä qatnaşıu ösön kilgäyne. Käñäşmä bögön İglin häm Nuriman rayondarında başlandı. Unıñ barışında bıl rayondarźa mäktäptär asıla. Ğömümän, Respublikala mäktäptär yamğırźan huñ bäşmäktär kewek qalqıp sığa. Bıyıl Başqortostanda 47 mäktäp safqa inäsäk. Mäktäptär hanı yıldan yıl artha la, balalar hanı aźaya. Mäźälän, bıltır Beloret rayonı Ğäbdök awılında mäktäp töźölgäyne. Bıyıl 1-se sinıfqa ike bala ğına bara.

Andrey Fursenko Öfölä täwge tapqır. Ul üźen aeroportta qarşılawğa şul tiklem türälär yıyılıuın kürgäs, xatta baźap qalğan. Şulay źa qunaqsıl xujalar küñelen kürer ösönmö ikän, Başqortostan mäğärif sistemahın bik nıq maqtap taşlanı.

Andrey Fursenkonıñ säfäre ike kön dawam itä. Ul qaytıp ta ölgörmäne, kiskelegen qaytıp kitkän Dmitriy Medwedev urınına finans ministrı Aleksey Kudrin kilep tä yette. Mäğlüm ki, Kudrin 450 yıllıq yubileyźıñ oyoştorow komitetı räyese. Şuña kürä xäźer ul Başqortostanda yış bula. Bıl yulı yübiley obyekttarın finanslaw buyınsa yetdi höyläşew kötölä. Aleksey Kudrin Mortaza Räximov menän şimbä osraşasaq.
XS
SM
MD
LG