Accessibility links

шимбә, 10 декабрь 2016, Казан вакыты 09:57

İzrailneñ xärbi operatsiase tikşerelä


BMOnıñ keşe xoquqları şurası Jenevadağı maxsus sessiasenä İzrailneñ Libandağı xärbi operasiasen tikşerergä cıyıldı. Şurada äğza bulğan ber törkem möselman illär ğädi keşelärneñ ülemenä kitergän bombalawnı ğäyeplärgä çaqırdı. İzrail şähärlärenä raqetalar atuçı Xizbulla turında rezolutsia ölgesendä ber süz dä yuq.

Tunis, Paqstan häm İndoneziä bu aşığıç sessiane ütkärü täqdime belän çıqtı. Alarnı Qıtay häm Rusiä xupladı.

BMO İminlek şurasına Rusiä täqdim itkän İzrail-Liban nizağın cayğa salu rezolutsiase ölgesen İzrail kire qaqtı. Bu ölgedä utnı 72 säğätkä tuqtatu qaralğan bulğan.

İzrailneñ BMOdağı wäkile Dan Gillerman, bu çara Xizbullağa ber urınnan ikençe urınğa küçergä mömkinlek birä, dip belderä.

Quşma Ştatlarnıñ BMOdağı wäkile John Bolton İminlek Şurasında töbäktä ozaqqa suzılğan kileşü turındağı fransuz-amerikan rezolutsiase ölgesenä tawış bireler dip ömetlänä.

XS
SM
MD
LG