Accessibility links

пәнҗешәмбе, 8 декабрь 2016, Казан вакыты 03:20

İzrail rezolutsiäne xupladı


İzrail xökümäte BMO İminlek Şurasınıñ rezolutsiäsen xupladı. Bu dokument Libannıñ könyäğında Xizbulla belän İzrail ğaskärläre arasındağı nizağnı cayğa saluğa bağışlanğan.

Rezolutsiäne yaqlap 24 ministr tawış birgän, beräw totqarlanğan. Şimbä kön Liban xökümäte dä bu doqumentnı xupladı. Liban xökümätendä Xizbulla wäkilläre dä bar.

Üzara utnı tuqtatu düşämbe irtän köçkä kerergä tieş. Annan soñ Libannıñ könyağına 15 meñlek xalıqara tınıçlıq köçläre häm Libannıñ xökümät ğaskärläre urnaşaçaq. Xizbulla suğışçıları isä, yäkşämbe könne tağın İzrailneñ tönyaq öleşenä raketalar atqan. Kim digändä ber keşe ülgän. Berniçä keşe yaralanğan. İzrail xakimiatläre belderüençä, ber raketa Tsaft şähärendäge toraq yortqa tigän.

İzrailneñ härbi oçqıçları Libannıñ könyağındağı Xizbulla noqtaların bombaladı.

XS
SM
MD
LG