Accessibility links

чәршәмбе, 7 декабрь 2016, Казан вакыты 21:32

Şäymiev Ukraina premierı belän oçraştı


Tatarstan prezidentı Mintimer Şäymiev yallarda Ukraina premier ministrı Viktor Yanukoviç belän oçraştı. Bu oçraşu Qırımda buldı. Qayber tulı bulmağan mäğlümatlärgä qarağanda, Mintimer Şäymiev belän Ukraina räsmiläre arasında inde ike yılğa yaqın räsmi oçraşu bulmağan. Ä Ukraina belän Tatarstannı zur ber şirkät bäyläp tora. Ul da bulsa, 1994 yılda tözelgän Ukrtatnaft şirkäte. Bu ni närsä dip aptırarğa kiräkmi. Tatarstanna nifet çığa, ul nifetneñ ber küpme öleşe Uqraina da eşkärtelä. Yäğni, benzinğa da, mazutqa äylänä. Bu zur şirkät. Anıñ xucaları da bit öç il kompaniäläre. Berse Tatarstan bulsa, 28 protsent aksiäläre Respubliqa xökümäte qulında, sigez yarımşar prsent Tatneft häm ber Şvetsiä şirkäte qulında. Bu soñğısı isä – şul uq Tatneft şirkäte oyışması sanala. Qalğanı Ukraina xökümäteneke.

Ukraina, belesez, energiä, yağulıq, gaz kebek äyberlär belän Rusiägä bäyle. Nifet belän isä Tatarstanğa. Menä şuşı şirkätneñ kiläçäge xaqında Viktor Yanukoviç häm Mintimer Şäymiev söyläşülär uzdırdılar.

Söyläşülär dä Ukrtatnaft mäsäläse genä tikşerelmägän älbättä. Maşina, samolet–oçqıçlar tözeleşendä dä üzara xezmättäşlek mäsäläse tikşerelgän.

Monnan tış, şuşı Uqrtatnaftnıñ töp bazası bulğan Kirmänçek nifet eşkärtü zavodına invesçtitsiälär kerü, anı üzgätep qoru turında da söyläşülär bulğan. Yanukoviç, älege oçraşudan soñ, Donetskiyda, Kirmänçek zavodı 95, 98 le markalı benzin çığarunı kiñäytäçäk, Mintimer Şäymiev bu xaqta wäğdä birde dip beolderde.

Monna tış, Ukraina wä Tatarstan räsmiläre, KAMAZ maşinasın Ukraina da cıya başlaw mäsäläsen dä tikşergännnär.

Räfis Cämdixan

XS
SM
MD
LG