Accessibility links

шимбә, 3 декабрь 2016, Казан вакыты 18:49

AİDS berençe tapqır 25 yıl elek terkälgän: Torontoda cıyın açıldı


BMOnıñ AİDS idaräse mäğlümatlärenä qarağanda, dönyada VİÇ çire belän 39 millionğa yaqın keşe yäşi. Uzğan yıl SPİDtan 3 million keşe ülgän. Yäkşämbe könne Qazanda inde tön bulğanda, Kanadanıñ Toronto şähärendä xalıqara AİDS cıyını açıldı. Cıyın comğa, 18 avgustqa qadär däwam itäçäk. Anda sälämätlek saqlaw oyışmaları, xökümätlär wäkilläre, sänğät äxelläre, eşquarlar, VİÇ infeksiäse belän yäşägän keşelär qatnaşa. Şul qadär törle dairälärne bergä cıyunıñ maqsatı – SPİD-AİDSqa qarşı köräşne yaña däräcägä kütärü di oyıştıruçılar. Xäzer inde VİÇ çiren tuqtatıp bulğanı añlaşıldı, monıñ öçen aqça ğına kiräk. Qazanda Rusiädä äle moñarçı bulmağan ber üzäk eşläp kilä. Cirle räsmilär häm xökümättän bäyäsez oyışmalar yardäme belän oyışqan bu üzäktä – faxişälär tikşerü ütä. Anda eşläwçelär – faxişälär belän eşläw – xalıqqa yoğışlı çirlärne taratmaw yullarınıñ berse dip sanıy. (Qazanda seks xezmätkärläre öçen AİDS üzäge turında Azatlıqnıñ düşämbe tapşıruında tıñlağız).
XS
SM
MD
LG