Accessibility links

сишәмбе, 6 декабрь 2016, Казан вакыты 04:00

Deputatlar Bignovqa “kizänä”


Rusiä däwlät Dumasındağı Başqortstannan saylanğan 4 deputat “Xalıq” fondın tikşertüne kütärep Rusiäneñ Üzäk banqı, Generäl proquror häm federal finans bazarı xezmäte başlığına möräcägät itte. Alar “Xalıq” çek-inwestitsiä fondı aqça üzläşterüdä ğäipli. Älege deputatlar bu adımğa xalıqtan alınğan xatlar, möräcägätlär uñayınnan baruların äytkän. Xäbär itüebezçä, ber törkem pensionerlar küptän tügel “Xalıq” fondı eşçänlegendä “aqça urlaw”da ğäipläp Başqortstan tatarları milli-mädäni möxtäriäte binası yanında Rämil Bignovqa qarşı piket ütkärgän idelär. Ul çaralarnı Rusiä pensionerları firqäseneñ respublik bülekçäse citäkçeläre oyıştırğan ide. Bignov deputatlarnıñ da bu adımğa baruların şul uq keşelär belän bäyläp añlata. Şul uq waqıtta ul üzeneñ bu fondqa qısılışı bulmawın da belderde.

XS
SM
MD
LG