Accessibility links

дүшәмбе, 5 декабрь 2016, Казан вакыты 11:28

İzrail, Liban häm BMO wäkilläre oçraştı


Bu berençe oçraşuda İzrail ğaskärläre kitkännän soñ könyaq Libanda kontrollek itü mäsäläläre tikşerelde. İzrail ğaskärläreneñ ber öleşe Libannan kitä. BMO İminlek şurasınıñ rezolutsiase nigezendä irtän İzrail häm Xizbulla arasında kileşü köçkä kerde. Libannıñ könyäğına Liban ğaskärläre häm BMOnıñ 15 meñlek tınıçlıq köçläre urnaşaçaq.

Älegä İzrail, Xizbullaçılar qoral belän täemin itelmäsen öçen, diñgezdä häm küktä kontrolen qaldırırğa cıyına. Libannıñ könyäğında maşínalar yörü tıyılğan. İzrail premer- ministrı Yähüt Olmert parlamentta çığış yasap, ilneñ bäysezlegen cimerergä tırışuçılar alğa taba da qatğıy cawap biräçäk, dide. Olmert süzlärençä, İzrailneñ xärbi operatsiäse waqıtında Xizbulla zur yuğaltularğa duçar bulğan. Parlamenttağı oppozitsiä wäkilläre Libandağı operatsia waqıtında cibärelgän yalğışlar öçen xökümätne tänqıytläde.

XS
SM
MD
LG