Accessibility links

шимбә, 10 декабрь 2016, Казан вакыты 17:55

Açıq mikrofon: sezneñ kredit alğanığız barmı, anı närsä öçen qullandığız?


Bu könnärdä resbuplikada investitsiälär, kreditlar alu mäsäläse kön üzägendä tora. Älege yılnıñ 6 ayında Tatarstanda, mäsälän, iqtisat häm sotsial’ tarmaqqa 57 milliard rubl’dän artıq aqça cälep itelgän. Bu xaqta tözeleş häm arxitektura ministrlığı belgeçläre söyläde. Şul uq waqıtta, Tatarstan eşmäkärlärenä kredit alunıñ yaña ısulları buldırıldı. Xäzer alar 500 meñnän alıp 3 million rubl’gä qädär aqçanı äcätkä alıp tora alar. Aqçanı 3 yıl däwamında tüläp beterergä kiräk. Şuşı mömkinçelek belän inde 50gä yaqın eşmäkär qullanğan da ikän. Bu sannarnı Tatarstannıñ eşmäkärlekne üsterü agentlığı wäkilläre jurnalistlar belän uzğan oçraşuda kiterde. Şulay itep, keçe eşmäkärlärgä xäzer kreditqa aqça alıp, üzläreneñ eşçänlegen kiñäytergä mömkinleklär açıla. Läkin kreditqa aqçanı ğadi keşelär dä ala. Ğomumän, äcätkä alunıñ şuşı ısulı xäzerge köndä xalıqta bik populyar. Belgeçlär xätta tizdän banklarğa alğan aqçalarnı qaytara almawçılar sanı artaçaq, dip sanıy. Şuña da qaramastan, banklarğa aqça sorap möräcäğät itüçelärneñ sanı arta ğına bara. Bügenge Açıq mikrofon säxifäsendä bez qazanlılardan, ä sezneñ kredit alğanığız barmı, anı sez närsä öçen alır idegez dip soraştıq. Menä alarnıñ fikerläre: - Minem “Rossiä” bankınnan kredit alğanım bar, bik oşadı miña. Başta min 20 meñ sum alıp, tormış iptäşemä çarduğan belän qäber taşı alıp quydım. Bu aqçanı tüläp betergännän soñ tağın 35 meñ sum aldım, ansına inde baqçadağı öyne tözekländerdem. Bik faydalı närsä, bik qänäğät min, protsentları da zur tügel. Äytik, menä min 35 meñ sum alğaç, 38 itep tülädem. Tağın alır idem dä, läkin anda 73 yäşkä qädär genä birälär kreditnı, ä miña inde ozaqlamıy 73 tula. - Banklardan kredit alğanım yuq häm kiläçäktä dä almam dip ışanam. Çönki min iñ elek kiräkle äybergä aqçamnı cıyam da, annarı ğına äyberne satıp alam. - Küp keşelär xäzer kreditlar alalar, läkin anıñ protsentları bik zur. Ägär dä anı äzäytkän bulsalar, alıp bulır ide. Min üzem kredit almıym, çönki minem eş xaqım citärlek. - Minemçä, kredit ul yaxşı äyber. Çönki küp kenä keşelärneñ xezmät xaqları äyberlär satıp alırğa citmi. Şul uq aqçağa aşarğa, eçärgä, kienergä dä kiräk. Üzemneñ kreditqa alğan yuq, ä äti belän äni gel alalar. Кызганыч үзем генә кредит ала алмыйм, чөнки хезмәт хакым җитәрлек түгел. Ay sayın kredit tüläp barmas aşarğa da aqça qalmıy. Ä bolay kreditqa bik uñay qarıy, keşe öçen yasalğan häm bik uñaylı. - Min kredit almas idem, çönki anıñ protsentların bik köp tülärgä kiräk. - Kredit alğanıbız bar, alabız häm bügenge tormışta alaçaqbız da. Çönki bezneñ aylıq aqçabız, tögäl genä äyber alırlıq tügel. - Kredit mäsäläsenä kilgändä, minem üzemneñ ber genä tapqır alğanım bar. Häm başqalarğa kredit almasqa täqdim itär idem. Çönki soñınnan anı arttırıp tülise bula. Gölnaz Şäyxetdin

XS
SM
MD
LG