Accessibility links

җомга, 9 декабрь 2016, Казан вакыты 22:18

450 yıl bergä yäki Mäskäwźän aqsa horanıu yuldarı


Başqortostandıñ Räsäygä quşılıuına 450 yıl tulıuźı bayram itew bayram ğına bulmahın, fayźalı eştär menän dä iźtä qalhın ösön Öfölä Boyondoroqhoź Däwlättär Berläşmähe ildäre başlıqtarı sammitı ütkäreläsäk. Bıl turala Räsäy finanstar ministrı Aleksey Kudrin belderźe. Unıñ hüźźärenä qarağanda, äle bıl mäsälälär Mäskäwźä yentekläp tikşerelä. Finanstar ministrı şulay uq 450 yıllıqqa Räsäy prezidentı Vladimir Putin kiläsäk tine.

Boyondoroqhoź Däwlättär berläşmähe ildäre yetäkseläre kilewe älegä anıq bildäle tügel. 450 yıllıqtı bayram itew könö lä asıq kileş qala. Respublika prezidentı älegä anıq qına äytä almay. 2007 yıldıñ yül-dekäber ayźarı bulıuı ixtimal tigän ul. 2007 yıldıñ may häm august ayźarında 450 yıllıqtı oyoştorow komitettarınıñ sirattağı ultırıştarı ütäsäk.

Bayram köndärendä imenlek saraların tämin itewgä federal budjet respublika eske eştär ministrlığına 50 million hum aqsa büläsäk. Räsäy eske eştär ministrlığı wäkile Valeriy Jilinskiy oşo turala belderźe. Bıl aqsalar ministrlıqta idaralıq üźäktäre buldırıuğa totnolasaq. Bayram köndärendä şulay uq hawanan ike boralaq küñel asıusılar imenlegen haqlayasaq. Aleksey Kudrindıñ Öfögä kilewendä bına oşo turala höyläşep kileşelgän.

Qayhı ber mäğlümättär buyınsa Kudrindıñ kilewe ikense mäsälägä bäyle bulıuı la ixtimal. Huñğı köndärźä Öfölä Mäskäw yübiley obyıqttarın finanslawźı tuqtatqan tigän xäbär taralğaynı. Şuğa la Kudrindıñ Öfögä kilgäs tä täwge hüźe aqsa xaqında ine. Mäskäw obyıqttar töźöläsäk tip wäğäźäläy. Şulay itep, üź budjetınıñ 72 prosentın Mäskäwgä küserep torğan respublika üźäktän aqsa horanırğa mäjbür.

XS
SM
MD
LG