Accessibility links

шимбә, 3 декабрь 2016, Казан вакыты 05:29

Elekke sovet illäre yaña berlek tözi


Soçida Yewraziä İqtisadi Berläşmäse sammitı bara. Qısqaça Yewrazes dip atalğan bu berläşmägä 6 il kerä: Rusiä, Belarus, Qazaxstan, Qırğızstan, Üzbäkstan häm Tacıqstan. 3 könlek sammitnñ kön tärtibendä ike töp mäsälä – urtaq energetika wä su kiñlege buldıru häm tamojnya berlege tözü.

Rusiä prezidentınıñ Qara diñgez buyındağı utarmasına däwlät citäkçeläre sişämbe kiçendä cıyıldı. Putin oyıştırğan aş mäclesenä alar, cyınınnñ ğäyre räsmi ikänen iskä alıp, galstuksız kilde. Alay da, ikençe köndä ütkän söyläşülärdä qäyber räsmi näticälärgä ireşelgän. Berençe çiratta Tamojnya Berlege tözü yünäleşendä. Bu turıda çärşämbedä Vladimir Putin xäbär itte:

"Berläşmä sekretariatına häm 3 ilgä – Belarus, Rusiä häm Qazaxstanğa – Tamojnya berlege tözü öçen äzerlek eşläre başlargä quşıldı. Axır maqsat älbättä - bu berlekkä YewrAzEsnıñ başqa äğzaların da quşu" di Rusiä prezidentı.

Bilgele bulğança, Rusiäneñ Dönya Säwdä Oyışmasına kerü mäsäläse xaman da kiçekterelä. Yül ayında ütkän Zur-8lek sammitında Mäskäw belän Washington bu mäsälädä kileşügä ireşä almadı. Qayber küzätüçelär fikerençä, Yewrazes Dönya Säwdä Oyışmasına üzenä kürä alternativ bula ala, hiç yuğı elekke sovet kiñlegendä.

Yewrazesqa kergän 6 ilneñ prezidentları urtaq energetika häm su kiñlege buldıru fikerenä dä xuplaw beldergän. Üzbäkstan Kümäk İminlek Kileşüe oyımasına quşılu turında kileşü imzalağan.

6 äğza ilneñ prezidentınnan tış Soçida tağın ike citäkçe bar: Ärmäsntan prezidentı Robert Koçarian häm Ukraina premier-ministrı Viktor Yanukoviç küzätüçe räweşendä qatnaşa.

Yanukoviç Rusiä premier-ministrı Mixail Fradkov belän gaz bäyäläre turında söyläşülär alıp barğan häm üze äytüençä, alar kiläse yıl öçen kileşügä ireşkän:

"Bäyälär bazar bäyäläre bulaçaq, läkin alarnı bilgeläw mexanizmı ütä kürenmäle bulaçaq, häm Ukraina belän Rusiä arasındağı iqtisadi mönäsäbätlär däräcäsenä cawap biräçäk" di Ukraina premier-ministrı.

Bäyälärneñ nindi bulaçağı turında Yanukoviç ta, Fradkov ta östämä mäglümät birmädelär.

Yewraziä İqtisadi Berläşmäse sammitı atnakiç könne tämamlana.

ali ğilmi
XS
SM
MD
LG