Accessibility links

шимбә, 3 декабрь 2016, Казан вакыты 20:50

Törkiä wäkillege säfäre däwam itä


Törkiä Respublikası wäkillegeneñ Başqortstanğa eş säfäre däwam itä. Törkiäneñ Tışqı säwdä eşläre öçen cawaplı däwlät sekretare Töncär Qayalar citäkçelegendäge eşlekle dairälär wäkillege Ufağa çärşämbe kiçendä ük kilep töşkän ide. Atnakiç könne bu wäkillekne Başqortstan Prezidentı Mortaza Räximov qabul itte häm üzara xezmättäşlek xaqında fiker alıştı.

Şulay uq bu könne qunaqlar, Başqortstannıñ Tışqı iqtisadi elemtälär häm säwdä ministrlığında bulıp, anda ike yaqlı xezmättäşlekne kiñäytü mäsälälärenä bağışlanğan eşlekle söyläşülär ütkärde. Törkiäneñ tışqı säwdä öçen cawaplı däwlät sekretare Töncär Qayalar kiläçäktä Törkiäneñ Başqortstanğa investitsiälär külämen bermä-ber arttırırğa cıyınuın äytte. Başqortstan tawarların Törkiädä kiñräk tanıtu öçen, İstanbulda kiläse yılda Başqortstanda citeşterelüçe mallarnıñ kürgäzmäsen oyıştıru täqdimen dä yasadı ul.

Başqortstan tışqı iqtisadi bäyläneşlär häm säwdä ministrı Boris Qolbin da soñğı yıllarda ike arada alış-bireşneñ artuı xaqında äytep, kiläçäktä üzara xezmättäşlekne berniçä tapqırğa arttıru mömkinlekläre buluın belderde. Ul şulay uq Törkiä tözüçeläreneñ Başqortstanda yaña zur tözeleşlärdä qatnaşa aluı mömkinlegen äytte. Berlektäge şirkätlär tözü täñgälendä dä qayber yaña proyektlarnıñ äzer buluı açıqlandı bu oçraşuda.

Comğa könne Törkiä wäkillegeneñ Başqortstanğa eş säfäre däwam itte. Qunaqlar Ufadağı berniçä zur şirkätneñ eşe belän tanıştı. Törek tözüçeläre tarafınnan safqa basıp kilüçe yaña şirkätlärdä dä buldı alar.

XS
SM
MD
LG