Accessibility links

якшәмбе, 11 декабрь 2016, Казан вакыты 09:17

Başqortstan Tatar ictimaği üzäge cıyını


Şimbä könne Ufada Başqortstan Tatar ictimaği üzägeneñ Ğali mäclese ütä. Anda TİÜneñ Başqortstannıñ qayber tatar rayonnarında eşläwçe bülekläre citäkçeläre dä kilä. Tatar ictimaği üzäge citäkçese Ayrat Ğiniätullin äytüençä, kön tärtibenä töp ike mäs'älä kertelgän. Berse – Başqortstanda bu uqu yılınnan barlıq mäktäplärdä böten millätlär balalarına da başqort telen öyrätä başlawğa bäyle xällär. İkençese – Başqortstannıñ statusı mäsäläsendä fiker alışu.

“Başqortstannıñ statusı xaqında söyläşü älläni wäğdä itmäsä dä, mäğärif mäsälälärenä qağılışlı fiker alışuıbızğa ayıruça zur iğtibar biräbez, - di Ayrat äfände. – Başqortstanda barlıq balalarnı da başqort telenä öyrätä başlaw ayıruça tatar balaları öçen xäwefle. Şuña kürä dä, bu eşneñ döres tügellegen añlatıp, törle möräcäğätlär äzerläyäçäkbez. Başqortstan Tatar ictimaği üzäge plenumın ütkärü belän genä eş tuqtalmıy, ä tizdän tatar rayonnarına barıp, anda bu mäs'älädä millättäşlärneñ fikeren soraşıp beleşü oyıştıraçaqbız”.

Ayrat – Başqortça uqıtuğa qarşılıq minemçä, uqu yılı başlanğaç, kisken, kierenke tös alaçaq. Moña qarşı çığuçılar küp bulaçaq.

Bez yaqın aralarda rayonnarğa da baraçaqbız häm andağı mäktäplärdä uqıtuçılar, ata-analar belän oçraşıp soraşıp beleşülär ütkäräçäkbez. Çönki köçläp başqortça uqıtu döres tügel.

Başqortstan Tatar ictimaği üzäge räise Ayrat Ğiniätullin fikerläre buldı.

XS
SM
MD
LG