Accessibility links

Кайнар хәбәр

Qayum Nasıyri ruxına “Yägez, ber doğa!”


18 avgust könne Qazannıñ İske Tatar bistäsendä urnaşqan tatar ziratında xalqıbıznıñ böyek mäğrifätçese, tarixçısı, etnografı, tel belgeçe Qayum Nasıyrinı iskä alu uñayınnan anıñ isemen yörtkän muzey xezmätkärläre ädipneñ qaberenä zıyarat qıldılar. Ä Qazannıñ ike mäçetendä anıñ ruxına doğa qılındı.

Bıyıl Qayum Nasıyrinı iskä alu “Yägez, ber doğa! dip isemlängän şiğar astında ütkärelde. Qayum Nasıyri üzeneñ 40 yıllıq icadi eşçänlege çorında (1859-1899) barısı 37 isemdä äsär yaza, 24 kalendar' tözi. Kitap häm kalendar'larınıñ basma sanı yözdän dä artıp kitä.

Qazannıñ tatar bistäsendä urnaşqan Qayum Nasıyri muzeenda yıl sayın bu çara törle tösmer ala. Bıyıl niçek ütüe turında anıñ isemendäge muzey citäkçese Rauşaniä xanım Xösnetdinova Azatlıq radiosına menä närsä dide:

Qaberen çistartıp, muzey ixatasında üskän göllärne anıñ qäberenä utırtıp , çarduğannı yaña buyawlar belän buyap qayttıq. Häm şulay uq Qazan şähäreneñ “Märcäni” häm “Nurulla” mäçetlärendä doğa qıluların ütendek”, - dide ul.

Ä “Märcäni” mäçetendä bügenge comğa namazına bik küp keşe kilgän ide. Namaz aldınnan wäğäz uqığan Fatix xäzrät anıñ ruxına doğa qılu turında belderde. Äwxadulla xäzrät Qayum Nasıyri muzeyı citäkçeseneñ ädipkä bağışlap sädaqa birep, anıñ ruxına doğa qılunı ütenüe turında söyläde. Wäğäz waqıtında bu turıda äytelep kitmäsä dä, bez doğa qıldıq . -dide ul .

Olı yäştäge Gabdelxak Samatov xäzrät , oluğ qazıy Qayum Nasıyrine bik yaxşı belgän , anı kürgäne turında belderde .

Möslimä gäzite möxärrire Älmira xanım :Ädiätullina “Mondıy zur şäxes onıtılırğa tieş tügel , bez balalarğa ädäp- äxlaqnı anıñ tärbiäsendä birergä tieşbez”,- dide.

Märcäni mäçeteneñ imam xatibı İlfar xäzrät Xäsänov, Qayum Nasıyri, ul tatar xalqın yaqtılıqqa öndäwçe, dide . Psixolog, komp'yuter belgeçe Marat Xaliullin üzeneñ Abuğalisina kitabındağı yazılğan moğcizaları belän ğäcäplänep yäşäwe turında belderde. Tatarstannıñ Layış rayonınnan İdiät äfände :“Balalarğa da , olılarğa da märxämät birep qaldırğan keşe. Qayum Nasıyri kebek zur şäxeslärdän fiker alıp balalarğa ürnäk bulıp, İslam dine belän yäşärgä nasıyp bulsın ide ”, - dide.

Muzey xezmätkärläre bügen kiç belän muzeyğa BTKongressına qunaqqa kilgän Mäskäw qunaqların qabul itte.

Mälikä Basıyr

XS
SM
MD
LG