Ukraina prezidentı Viktor Yuçenko il haman da Evropa häm NATOğa yünäleş totaçaq dip belderde. “Evropa berlegenä häm NATOğa quşıluğa kilgändä, Ukrainadağı ber genä säyäsi köç tä ilneñ tışqı säyäsätendäge strategik maqsatnı şik astına quymıy. Häm bu yulnı däwam itü öçen tögäl kileşülärgä ireşelgän”,- dide Yüçenko. Kievta ukrainnarnıñ Bötendönya cıyınında çığış yasap Yüşçenqo Ukrainanı Rusiä, Belarus häm Qazaqstan oyıştıra torğan Urtaq iqtisadıy kiñlek tä qızıqsındıra, dip belderde. Ukrainadağı tel problemalarına kilgändä isä, ildä barı tik ber genä däwlät tele - ukrain tele genä bulırğa tieş, dide.
