19 Awgust könne Äfğanstan Britaniädän bäysezlek aluğa 87 yıl tulunı bilgeli. Taliban suğışçıları belän bulğalap torğan çualışlarğa qaramastan bäyräm çaraları bar il buylap ütte. Kabul stadionına cıyılğan meñlägän keşene prezident Xämit Qarzai qotladı:
"Qäderle tuğannar barığıznı da Äfğanstannıñ bäysezlek köne belän qotlıym" di Äfğanstan prezidentı.
Üzeneñ çığışında Qarzai mäğärifneñ äxämiätenä basım yasadı, bäysez bulıp qalu öçen anı töp närsä dip atadı. Taliban çorında mäktäplärneñ yabılu, qızlarnıñ uqıy almawları turında iskärtte. Tarix bezneñ xalıqnıñ batır ikänen rasladı, dide ul.
Soñnan xärbi köçlär häm politsiä qatnaşında parad ütte. Taliban çorında xökem itü urını bulğan stadionda caydaqlarnıñ "bozqaşi" bäygese ütkärelde.
Menä bäyrämdä qatnaşuçılarnıñ berse, Acmal Can isemle yäşüsmer fikere: "Bez bäysezlek könen bilgelärgä kildek häm bik bäxetle. Min bar Äfğan xalqın qotlıym, bigräk tä möxtäräm perzidentnı" di Acmal Can isemle yäşüsmer.
Beraz olıraq yäştäge Kamal Xan däwam itä: "Bu Äfğanstannıñ ciñü köne, anı bezneñ ata-babalarıbız da bäyräm itkän, bez dä itäbez" di Kamal Xan.
Yazmış şuqlığı digändäy, Britan xärbiläre Äfğanstanda äle dä tora. Läkin xäzer inde basıp aluçılar sıyfatında tügel, NATO köçläre saflarında, Äfğan armiäsenä yärdäm kürsätä.
Bäyräm çaraları feirverk belän tämamlana. Hawağa tösle ut atıp oyıştıruçılar bomba şartlawınnan tuyğan äfğan xalqı öçen yaña çor kilgänen äytergä teli.
ali ğilmi
"Qäderle tuğannar barığıznı da Äfğanstannıñ bäysezlek köne belän qotlıym" di Äfğanstan prezidentı.
Üzeneñ çığışında Qarzai mäğärifneñ äxämiätenä basım yasadı, bäysez bulıp qalu öçen anı töp närsä dip atadı. Taliban çorında mäktäplärneñ yabılu, qızlarnıñ uqıy almawları turında iskärtte. Tarix bezneñ xalıqnıñ batır ikänen rasladı, dide ul.
Soñnan xärbi köçlär häm politsiä qatnaşında parad ütte. Taliban çorında xökem itü urını bulğan stadionda caydaqlarnıñ "bozqaşi" bäygese ütkärelde.
Menä bäyrämdä qatnaşuçılarnıñ berse, Acmal Can isemle yäşüsmer fikere: "Bez bäysezlek könen bilgelärgä kildek häm bik bäxetle. Min bar Äfğan xalqın qotlıym, bigräk tä möxtäräm perzidentnı" di Acmal Can isemle yäşüsmer.
Beraz olıraq yäştäge Kamal Xan däwam itä: "Bu Äfğanstannıñ ciñü köne, anı bezneñ ata-babalarıbız da bäyräm itkän, bez dä itäbez" di Kamal Xan.
Yazmış şuqlığı digändäy, Britan xärbiläre Äfğanstanda äle dä tora. Läkin xäzer inde basıp aluçılar sıyfatında tügel, NATO köçläre saflarında, Äfğan armiäsenä yärdäm kürsätä.
Bäyräm çaraları feirverk belän tämamlana. Hawağa tösle ut atıp oyıştıruçılar bomba şartlawınnan tuyğan äfğan xalqı öçen yaña çor kilgänen äytergä teli.
ali ğilmi