Accessibility links

дүшәмбе, 5 декабрь 2016, Казан вакыты 19:49

İzrail: Xizbolla Rusia qoralın qullana


Bäyrut -- Liban xäkümäte İzrail belän ireşelgän kileşüne Liban yağınnan bozu niätlärenä yul quymayaçağın belderde. Saqlanu ministrı İlias Äl-Murr süzlärençä, Liban yağınnan oçqan här raketa İzrail faydasına, çönki Libanğa höcüm itü öçen säbär bulaçaq.

İreşelgän kileşügä qaramastan, şimbä tönendä İzrail desantı Libanğa töşte. İzrail monı Süriädän qoral kiterü niäten tuqtatu dip añlattı. BMO general sekretare Kofi Annnan İzrailne kileşüne bozuda ğäyepläde.

Ul arada İzrail, Xizbolla suğışçıları Süriägä satılğan Rusiä qoralın qullana digän dälillär kitergän. Maariv gäzite yazuınça, bu dälillär Mäskäwgä citkerelgän. Gäzit mäglümätenä kürä yaqın arada Süriägä Rusiädän östämä qoral kilergä tieş.

XS
SM
MD
LG