Accessibility links

якшәмбе, 4 декабрь 2016, Казан вакыты 11:20

İran yaña raketa sınawın belderde


Şimbä könne başlanğan xärbi künegülär qısasında İran yaña qısqa-ara raketasın sınağan. Däwlät televideniese 10 raketanı cibärü küreneşen kürsätte. Sınawlar Tährannan 250 çaqırım könyaq-könçığışqa taba, Kaşan çülendä ütkän. Saeqeh, yağni Yäşen dip atalğan bu raketalar 80nän alıp 250 çaqırımğa qädär oça häm radarlardan qaça ala dielä.

Yaña saqlanu doktrinasın ğämälgä quyu niätendä İran şimbä könne kiñ külämle xärbi uyınnar başladı. İrannıñ baş xärbi citäkçese Ayatolla Sälähi, ilebez ixtimal höcümgä äzer bulırğa tieş dip belderde:

"Xärbi uyınnarda kürsätelgän şuşı ğäyrätebez - köndäşlärneñ yawız maqsatlarına qarşı toru täcribäse näticäsendä tuplanğan. Bez alarnı şaqqattırırlıq plannar äzerlädek" di İrannıñ baş xärbi citkçese.

Räsmilär äytüençä, xärbi uyınnar 30 vilayätneñ 14ndä bara häm 5 atna çaması däwam itäçäk.

Soñğı xärbi uyınnarın İran Aprildä ütkärgän ide. Ul çaqta da yaña raketalar, torpedalar häm başqa cixazlar sınalğan ide.

Küzätüçelär ul uyınnarnı Tährannıñ kinayalı yanawı dip bäyäläde. Atom programmasına basım tuqtalmasa, İran bu töbäktän neft quunı tuqtata ala dielde.

Könbatış İrannı yäşeren räweştä atom qoralı buldıru niätendä ğäyepli. Tähran monı kire qağa, berük waqıtta uran bayıtudan waz kiçergä cıyınmıy.

6 däwlät tarafınnan äzerlängän täqdimnärdä uran bayıtunı tuqtatu töp şart bulıp tora. Tähran bu täqdimnärgä 22 Awgustqa qädär cawap birergä tieş.

ali ğilmi
XS
SM
MD
LG