Accessibility links

җомга, 9 декабрь 2016, Казан вакыты 22:28

Açıq mikrofon: Qazan yullarınıñ xäle yaxşırırmı?


Qazanlılar öçen yullar, alarnıñ xäle bik canğa tigän problema. Şuña da bez bügenge Açıq mikrofonda şuşı xaqta soraşırğa buldıq. Bezdä yullar Awrupa illärendä kebek sıyfatlı bulırmı, monıñ öçen sezneñçä närsä eşlärgä kiräk digän soraw birelde.

Yuq, bula almıy. Menä bu yulnı yasadılar, ike atna ütte, ul inde açıldı yañadan. Mondıy eş tempları belän barıp bulmıy. Min ışanmıy anıñ bulaçağına. Komissiä yuq, yullarnıñ sıyfatın tikşerüçe yuq. Alarğa qızıq tügelme ul, ällä inde kiräk tügel ul alarğa.

Bula ala eşläsäñ, nişläp bulmasın. Eşlärgä kiräk. Kemneñ qulında ul yullarnı tözätü? Şular yörep, kürep, eşçelärgä kürsätep buldıra alalar. Min menä üzem eşli torğan bulsam, tözäter idem. Tik ul minem qulda tügel. Kem qulında – şul eşlätsen!

Minemçä, Qazanda andıy yullar berqayçan da bulmayaçaq. Beznekelär aqça jällilär yullarğa. Qayber uramnarğa keräseñ – yörep, cäyäw çığıp bulmıy. Qaya anda maşinalar yöri alsın.

Bulır inde qayçan bulsa. Xäzer bulmıy inde. Kem belä ide, bälki ber un yıldan bulır.

Tözüçelär bälki anı yasıy belmilärder, berençedän. İkençedän, Yevropada ber standart belän eşläsälär, monda alay eşli belmilär. Monda anıñ yartısı kitä qayadır qırıyğa. Ä bit niçaqlı aqçanı küçerälär yul xezmätlärenä. Birelgän barlıq aqçalarnı da yulğa kertep barsalar, bezneñ yullar Awrupanıqınnan da yaxşıraq bulır ide.

Teläk bulğanda, barısın da eşläp bula. Aqçaları da bar, teläkläre genä yuq.

Zur keşelär, xökümät yörgän yullar ğına matur bulaçaq. Ä menä Aviatözeleş kebek watıq rayonnar… Belmim inde, ällä alarnı xökümät qaramıy, ällä uylamıy. Ul yullarnı tözätäse ide. Läkin min alarnı şulay uq qalır dip uylıym.

Un-yegerme yıldan bezneñ yullar, xökümät äybät bulsa, Şäymiev babay qalsa, yaxşıraçaq, Yevropadan da äybät bulaçaq dip uylıym.

Qazan yulları Oşamayaçaq Awrupa yullarına. Çönki texnologiä qaralmıy. Annarı beznekelär äle öyränep betmägän yullar salırğa. Üzäk uramnarnı tözesälär dä, ä başqa yullarnı qaldıraçaqlar. Şuña kürä anı öyränergä kiräk.

Bu yıllarda bulmıy äle ul, ä menä soñraq bulır dip uylıym. Tik monıñ öçen bik küp eşlärgä kiräk äle.

Bezneñ yullarnıñ nigeze naçar. Aq balçıq salalar bit. Taş salalar da, su tigäç, ul yomşıy. Yaxşırtu öçen Uraldan yaxşı taş, granit alıp kilep, nigezen yaxşı salırğa kiräk.

Güzäl Zıyätdinova.

XS
SM
MD
LG