Accessibility links

сишәмбе, 6 декабрь 2016, Казан вакыты 22:58

Qazan yulların tözekländerügä ber milliard?


Kiläse yılda Rusiäneñ xalqı million belän isäplängän 13 şähäre yullarnı tözekländerügä ber milliard sum alaçaq. Comğa könne Mäskäwdä “Berdäm Rusiä” firqäse älege şähärlärneñ merları belän şul xaqta kiñäşläşte. Şähär başlıqları arasında Qazan merı İlsur Metşin dä bar ide. Qazanğa qaytqaç Metşin xäzerge waqıtta iñ möhime yullarnı tözekländerü proyektın äzerlärgä kiräk, çönki aqça, berençe çiratta, üz waqıtında proyektlarnı äzerlägän häm tikşerü uzğan şähärlärgä bireläçäk dide. Qazanda ber milliardnı öç öleşkä bülü planlaştırıla. Anıñ ber öleşe işegaldı häm kvartallar eçendäge cirlekne, ä qalğan ike öleşe yullarnı tözätügä kitär dip kötelä.

Şulay da Qazan Başqarma Komitetı xezmätkärläre äle bu turıda süz quzğatırğa aşıqmıy. Federal' byudjettan ber milliard kilüenä alar üzläre älläni ışanmıy axrısı. Bu aqçalar bulırğa da, bulmasqa da mömkin äle, didelär Başqarma Komitetta. Barı tik Komitetnıñ mäğlümat bülege baş xezmätkäre Läzzät Xäydärov kenä bu xaqta tögälräk mäğlümat birergä rizalaştı:

Älege aqçalarnı federal' üzäk ildäge yullarnı yaxşırtu öçen birä. Qazanda bu aqçalar berençe çiratta üzäk uramnarın, işegaldı yulların tözekländerügä häm yaña yullarnı tözügä totılaçaq. Älbättä şähär yulların tulısınça tözätügä älege aqçalar citmi. Şulay da bu inde zur yärdäm bulır ide.

Ber milliard ul kiläse yıl eşe. Ä Qazannıñ ike meñ işegaldı häm 6млн. yarım kv.m. yulları bügen kapital' remontqa moxtac. Bıyıl şähär xakimiäte älege maqsatlarğa 220mln sum aqça bülgän. Läzzät Xäydärov däwam itä:

Älege waqıtta da şähär yulların tözekländerü eşläre alıp barıla. Ämma bu eşlärneñ küläme älläni zur tügel.

Al'bina Zäynulla

XS
SM
MD
LG