Accessibility links

дүшәмбе, 5 декабрь 2016, Казан вакыты 23:41

Yuçenko Qırım tatar mäclese citäkçeläre belän oçraştı


21 awgustta Qırımda Ukraina prezidentı Viktor Yuçenko qırım tatar mäclese räise Mostafa Cämil Oğlı häm anıñ ike urınbasarı Rifat Çubarov häm Rämzi İlyäsov belän oçraştı. Prezident qırım tatarları Qırımda totrıqlılıqnı saqlap qalu faktorı dip bilgeläde. Söyläşülärdän soñ bulğan mätbuğat oçraşuında Yuçenqo: «Qırım tatarları mäsäläsenä bağışlanğan tügäräk östäl söyläşüe ütkäräçäkbez. Milli qurqınıçsızlıq şurası cıyılışları da bu temağa bağışlanaçaq. Anda tel mädäniät, mäğärif, yarımutrawdağı qırım tatarlarınıñ mölke belän bäyle mäsälälär dä qaralaçaq”,- dide. Baqçasaraydağı wäzğiätne añlatıp, Yuçenko: «Dönyanıñ ber ilendä dä izge urınnar östenä bazar quyılğannı kürmässez. Qırım tatarlarınıñ möselman ziratı östennän bazarnı aluların taläp itkänne añlıym”,- dide. Ul nigä bügengä qädär bazarnıñ alınmawın añlamağanlığın äytte. Qırım tatarlarına cir bülep birmäw dä, Yuçenko süzlärençä, waq säyäsi uyınnar näticäse ikän.

XS
SM
MD
LG