Accessibility links

шимбә, 10 декабрь 2016, Казан вакыты 08:07

Ukrainada Rusiäneñ TU-154 yulçılıq oçqıçı hälakätkä yulıqtı


Oçqıçta 170 keşe bulğan. Barısı da ülgän dip isäplänelä. Rusiä ğädättän tış xällär ministrlığı räsmiläre äytüençä, oçqıç qaldıqları Donetski şähäre yanında tabılğan. Räsmilär hälakät urınında 30-lap mäyetneñ tabıluın belderä. Oçqıç başta qıyınlıq turında xäbär cibärgän, annan soñ radarlardan yuğalğan. Ukraina ğädättän tış xällär ministrlığı süzçese äytüençä oçuçılar 10 çaqrım bieklektä oçqıçta yanğın çığuı turında xäbär itkän bulğan. Añarçı Rusiäneñ hawa yulları konrol xezmäte başlığı äytüençä, oçqıç hawa ağımı nıq kisäk üzgärüçän urında hälakätkä yulıqqan bulırğa oxşıy digän ide. Tu-154 oçqıçına Anapadan Piterburğa oçuçı yulçılar utırğan bulğan. Oçqıç Rusiädäge iñ zur hawa şirlätläreneñ berse sanalğan Pulkovo hawa yullarınıqı bulğan.

XS
SM
MD
LG