Accessibility links

Кайнар хәбәр

Tatarstanda 13 meñ duñğız sıyarlıq zamança abzar yasamaqçılar


““Aq bars” xolding” şirkäte Tatarstanda iñ zur şirkätlärneñ berse. Ul respublikadağı keçeräk säwdä noqtaları häm awıl xucalığı oyışmaların tota. Awıl xucalığı üseşe öçen ““Aq bars” xolding” şirkäte milliard sumğa yaqın aqça kertmäkçe, şuşı könnärdä “Aq bars” bankında ul aqçalarnıñ qaya kitäsen äytep kittelär. “Aq bars” xolding” şirkäte Arça rayonında 1200 sawım sıyırına isäplängän meğa abzar tözemäkçe. Annan 13000 duñğız sıyarlıq zamança kompleks. Şirkät 400 başlı it-söt fermasın tözekländeräçäk ikän. Arça rayonına “Aq bars” 560mln sum birergä cıyınsa, Tatarstannıñ başqa rayonnarına awıl xucalığı üseşe öçen 420mln tıqmaqçı. Şundıy zur aqçalarnıñ eşkä cigärgä teläwlären kürgäç Rusiä awıl xucalığı ministrı Aleksey Ğordeewnıñ süzläre iskä töşä. Ul:“Qızğanıçqa qarşı, qayber çinovniklar awıl xucalığındağı biznesnıñ däwlät öçen altın yomırqalar saluçı tawıq ikänlegen añlap betermilär”- digän ide. Bu xaqta “Cir sulışı” gazetası da zurlap yazıp çıqtı. Rusiä ministrı süzläre “Aq bars” şirkätenä awıl xucalığına milliard sum aqçalar totarğa etärgeç bulmağan mikän? – digän soraw tua. Xäyer ansı möhim tügel, “İñ möhime xalıqqa eş urını bulsın, eş xaqın waqıtında birep barsınnar”- dilär arça xalqı. “Aq bars” xolding”nıñ eşlärenä kire qaytsaq, meğaabzarlarnı tözi başlağannar inde. 13000лек duñğızçılıq kompleksın ikençe yılğa tözi başlarğa niätlibez di şirkät citäkçelege. 2004 yılda ““Aq bars” xolding” şirkäte Arçada “Aq bars agro” agro oyışması yasağan bulğan. Anda 10.8 meñ gektar çäçülek mäydanı häm 12 awıl kerä. Başqa rayonnar ““Aq bars” xolding”nı berniçä yıl elek şulay uq xäzer dä “Keys”tağın başqa çit kombaynnarı belän uraq waqıtında kümäk xucalıqlarğa bulışuların xäterlilärder. Bu investorlar turında yaxşı xäbärlär bulsa, naçarı Çistay rayonına alıp kitä. “Veçernyaya Qazan” gazetası ul naçar xäbärne awıl cirendäge qayğılı teatr di. Çistaynıñ 3 awılı ber investordan ikençesenä qaçqannar. Berençe investor qaçuçılarnı prokuratura belän ezlägän, tapqaç ikençe investorğa yul birergä riza bulğan. Bu çualğan waqiğanıñ säbäbe Çistayda 2 yıl elek “Zarya” rayonda aldınğı kümäk xucalığınıñ kinät kenä bankrotlıykкa çığuında ikän. Kümäk xucalıqnıñ 998 mögezle ere terlege, 560 duñğızları, 46 at, 86 umartaçılığı häm bulğan texnikasına şuña kergän awıl xalqın mäxkämä Qazan keşese Viçeslav Korıytovqa tapşıra. Ozaq ta utmı çistay säwdägären awıl xalqına älege “Zarya” xucalığına investor bula dip tanıştıralar. Soñınnan kürengänçä tege Korıytov äfände rayon idäräse belän berlektä kümäk xucalıqnı Morozovqa tapşırğan bula. Balıq bistäsendä elekke rayon citäkçelege kümäk xucalıqlarnı taratıp, bulğan baylıqların satıp aqçaların quyın kesäsenä salıp quyğan kebek, bolar da şulay eşlämäkçelär bulğannar buğay. Tik butalçıq kilep çıqqan, jurnalistlar belgännär, prokuratura… Xäzer qaysı investorğa birergä ikän dip baş watalar. Ä awıl xalqı kümäk xucalıqnıñ qalğan baylıqları belän aqrın ğına yäşi birä. Röstäm İsxaqov
XS
SM
MD
LG