Accessibility links

пәнҗешәмбе, 8 декабрь 2016, Казан вакыты 23:11

Qazanda bistälärne qayğırtalar


Qazan yanındağı bistälärneñ kübesendä elek ağaç yortlar ğına tora häm awıllarnı xäterlätä ide, soñğı yıllarda zur-zur qatlı-qatlı kottedjlar salındı. Uñaylı bit-şähärdän dä yıraq tügel, şul uq waqıtta saf hawa, üzeñneñ xucalığın. Bistälär artqan sayın elek bulğan problemalar tağın da kübäyde. Yaña uramnarğa gaz kermägän, su yuq.

2002-2005 yıllarda “Bistä” programması eşläp kilde häm Qazan şähär Duması sessiäsendä äytelgänçä, ul küp mäs’älälärne çişärgä yärdäm itkän. Çärşämbe könne programmanı yänädän 2010 yılğa qädär qabul ittelär. Bügenge köndä barlıq mäs’älälärne xäl itü öçen 1 milliard 92 million sum aqça kiräklege äytelde sessiädä. Ayırım-ayırım bu aqçalarnıñ närsägä totılaçağı turında söylände. Su, gaz, kanalizatsiä çeltäre, yullarnı tözekländerü, yaqtırtqıçlar quyu turında süz buldı. Programmalar qabul itelsä dä, alarnıñ ütäleşen xalıq älläni sizmi ikän. Tuğannan birle Qazannıñ Karavay bistäsendä yäşägän Venera Fäsxetdinova

Mine bigräk tä transport mäs’äläse borçıy, avtobuslar az häm kiç maşina totıp qaytırğa turı kilä. Yäşlärgä yal itü urınnarı yuq. Alar bergä cıyılıp tämäke tartıp utıralar.

Venera Fäsxetdinova bistädä mäktäplär sanı citärlek di.Ul üze bistädä tatar mäktäbendä uqığan.

Xalıq soñğı yıllarda mulraq yäşi başlağanmı – tözeleşlär artqan. Munçalar, yanqormalar buldıralar. Läkin tеrlek totuçılar az. Tawıq-çebeş, qaz, ürdäk kenä asrıylar ikän.

Çärşämbe könne sessiädä Qol Säyet, Salmaçi, Nağornıy, Äki bistälärendä meditsina çeltärlären tözeläçäge, Därwişlär häm Yudino bistäsendä sırхauxanälär tözekländereläçäge bäyän itelde.

Landış Xarrasova

XS
SM
MD
LG