Accessibility links

чәршәмбе, 7 декабрь 2016, Казан вакыты 17:34

Yekaterinburda Yaña Ğasır tapşıruları yuğaldı


Äle küptän tügel genä Tatarstannan çittä yäşäwçe tatar xalqı arasınnan Sverdlovski ölkäsendä yäşäwçelär “Yaña ğasır” sputnik televideniesı tapşıruların qaraw buyınça iñ küp sanlı xalıq bulıp sanalalar ide. Qızğanıçqa qarşı, bu yılğı cäy bu sannı küpkä kimette. Yöz meñgä yaqın tatar xalqı yäşägän Yekaterinburg qalasında eşläp kilgän barlıq äydäwçe kabel'' televideniesı operatorları cäy başınnan YaĞ televideniesı signalın alıp tamaşaçığa citkerü eşen tuqtattılar.

Monı alar tatar televideniesı tapşıruların tamaşaçığa citkerüne keremle eş bulmaw belän añlatalar. Alar äytüençä, bu eş öçen kabel'' televideniesı operatorlarına aqça tüläwçe telekompaniälär küp. Tatarstan monıñ öçen aqça tülämi, şuña kürä bu mäs''älä çişelgänçe Yekaterinburg tamaşaçısı tatar televideniesı tapşırularınnan mäxrüm qaldı.

Äle may ayında uq Tatarstannıñ Uraldağı daimi wäkillege binasında şähär xakimiäte wäkilläre, kabel'' televideniesı operatorları, şähär duması deputatları qatnaşında bu mäs''älä buyınça zur kiñäşmä cıyılğan ide. Cıyıluçılar ul waqıtta urtaq fikergä kilä almadılar. Şähär xakimiäte kabel'' televideniesı operatorlarınıñ biznes eşenä qısılmawnı xup kürde, kabel'' televideniesı böten şähär xalqı YaĞ tapşıruların qarıy alsın öçen yılına biş million sum aqça taläp itte, deputatlar, problemanı töptän öyränep, ber qararğa kilergä wäğdä birdelär. Ämma inde cäy uzıp baruğa qaramastan, bu eştä uñay üzgäreşlär kürenmi.

Tatar cämäğätçelege tarafınnan YaĞ tapşıruların kire qaytaru öçen yanıp-köep yörgän Söfxät ağa Nadıyrov söyläwençä, şähärdä meñnän artıq imza cıyılğan, yegermeläp türägä xat yazılğan. Ämma türälär bu xatlarğa “otpiska” ğına cibärälär dä, tınıçlanalar, di Söfxät ağa. Anıñ fikerençä, biredä yäşäp, cirle qaznağa salım tüläwçe tatar xalqı ixtıäcları öçen Yekaterinburg şähär häm Sverdlovski ölkä xakimiätläre tırışırğa tieş.

Ämma şähär häm ölkä türäläre, elekkeçä, bu mäsäläne çişärgä aşıqmıylar. Alar fikerençä, televizion produktnı citeşterüçe “Tatarstan Yaña ğasır” telekompaniäse produktnı qullanuçığa citkerüçe kabel'' televidenitesı operatorları belän üzara mönäsäbätne üze xäl itärgä tieş. Ni qızğanıç, älege mönäsäbätlärne çişmäw arqasında yıraq Uralda tuğan telen işetergä zarığıp yäşäwçe tatar tamaşaçısı ğına zıyan kürä bulıp çığa.

Fäwiä Safiullina, Yekaterinbur

XS
SM
MD
LG