Accessibility links

дүшәмбе, 5 декабрь 2016, Казан вакыты 23:35

“Ramazan” köymäse Çallığa qayçan kilä?


Kiçä, yäğni 23 avgust könne Azatlıq radiosınnan Ufadağı “Ramazan milli mädäni cämğiäteneñ İdel buylap Bolğarğa säfär çığuı turında xäbär birelgän ide. Bu xäbärne Tatarstannıñ Cälil şähärendä Azatlıq radiosı tıñlawçıları işetep, bügen bezneñ Qazan byurosına çıltıratıp, bezdän östämä mäğlümat soradılar.

“Ğ.Tuqay isemle teploxod İdel buylap, Ufadan Bolğarğa qädär 25 avgust könne çığaçaq. 160 yaqın zıyalı tatarlar, yäşlär, balalar . häm ğomumän mädäniät häm sänğät söyüçe millättäşlärebez Bolğarğa säyäxät itälär.

Bu teploxodnıñ Çallığa qayçan kilep tuqtawın, küpme torasın , häm millättäşlär belän oçraşu mizgelläre bulırmı digän sorawlar belän Tatarstannıñ Cälil şähärendäge ädäbiät häm sänğät söyüçe millättäşlärebez arasınnan Mönäwärä Kalimullina bezneñ radioğa çıltıratıp soraştı. Mönäwärä Kalimullina üze olı yäştä bulsa da, anıñ küñele yäşlärneke kebek yalqınlı. Ul Cälil şähäreneñ “Tuğan tel” klubın oyıştıruçı , Cälil muzey xezmätkäre bularaq yaqtaşlarınıñ möräcäğäten citkerde. Şulay uq Cälil şähärendä yäşäwçe millättäşlärebezneñ üzläreneñ eşçänlege turında häm bu teploxodnı qarşı alu häm oçraşu oyıştıru turında teläklären belderde.

Mönäwärä xanım Kälimullina Cälil muzeyı turında, “Neft'” muzeyı, turında, häm . Tuğan yaq”klubı “Aq qalfaq ”ansamble , “Cälil çatqıları” digän şağirlär berläşmäse turında da mäğlümat birde.

Bez Ufadağı “Ramazan” cämğiäteneñ citäkçese Marat Şaripov belän xäbärläştek . Ul bezgä bu teploxodnıñ Çallığa qayçan kilep citüe turında belderde. Bolğar säyäxätenä çıqqan millättäşlär belän Çallı portında oçraşırğa teläwçelär iğtibarına cawap :

SALAWAT dip yazılğan teploxod Çallı portına çärşämbe könne 30 avgustta 15 säğät 45 minutta kilep tuqtayaçaq,-dide.

Ä qazanlılar öçen tağın ber tapqır qabatlıybız. Qazan Yılğa portına bu teploxod 29 avgustta säğät irtänge 9.00 da kilep tuqtayaçaq.

Mälikä Basıyr

XS
SM
MD
LG