Accessibility links

якшәмбе, 11 декабрь 2016, Казан вакыты 11:10

Tağın ber märtäbä "Gölşayan"


Mirsäy Ämirneñ "Gölşayan" isemle ike pärdälek spektakele 13 Augusta İstanbulda Kärim Tinçurin isemendäge Tatar Däwlät drama häm komediä teatrı sänğätkärläre tarafınnan başqarıldı dip tapşırğan idek. Bu atnada dönya kürgän “Aydınlık” atnalıq jurnalınıñ Mädäniät-Sänğät bitendä Hayati Asılyazıcı imzası belän “Tatar Tinçurin Teatrınıñ uñışlı sintezı Gölşayan” isemle ber mäqalä dönya kürde. Aftor bolay dip yaza:

"Tinçurin teatrında uynawçılar här törle äsärne başqaraçaq sälätkä iälär. Gölşayan kebek tempı yuğarı, muzıyka häm biyü belän bizälgän uyınnı tik yäş ber kadr ğına başqara alır ide."

Aftor dramaturqnı da, rejiserne dä uyınçılarnı ayrım ayrım maqtağan. Ul Mirsäy Ämir turında, Tatar teatrınıñ iñ möhim şäxeslärennän bere, spektalekne, yaratıp, qızıqsınıp qaradıq di. Rejiser Räşit Zahidullin turında isä ul säxnägä quyılğan şuşı skpektakeldä modern teatr janrı belän traditsional Tatar teatrın berläşterep sintez yasadı; rejiser Tatar ğädät-ğörefen, folklorın dönyaküläm prinsiplar belän añlattı digän cömlälär qullandı. Gölşayan rolen başqarğan İlsöyär Safiullina isä iñ zur maqtawnı alğan. “Aydınlık” jurnalı aftorı Hayati Asılyazıcıdan sitat:

“İlsöyär Safiullinanıñ äsärneñ töp qaharmanı bularaq ike säğat tiräsendäge biyüle, templı, xäräkätle uyını ber nindi dä pererif birmiçä alıp bardı. Bu tik anıñ sälätle häm bik uñışlı ber uyınçı buluwın kürsätä. Tatar teatrın tuğız yıldan birle bik yaqınnan küzätep baram häm bugengä xätle min kürgän iñ uñışı traditsional Tatar spektaleke buldı Gölşayan.”

Äxtäm İbrahim, İstanbul

XS
SM
MD
LG