Accessibility links

дүшәмбе, 5 декабрь 2016, Казан вакыты 03:34

Qazandağı mäğärif oyışmaları xezmätkärläreneñ avgust kiñäşmäse uzdı


Qazan şähäre mäğärif oyışmaları xezmätkärläreneñ avgust kiñäşmäse Säydäşev isemendäge zur konsertlar zalında uzdı. Anda merdan tış barlıq Qazan rayonı başlıqları da qatnaştı. Zal şıplap tulğan ide. Ni disäñ dä Qazanda 600дән artıq mäğärif oyışması bar. Şularnıñ 170 mäktäplär. 170 mäktäpneñ 40 tiräse genä tatar mäktäpläre. Tatar mäktäpläre çağıştırmaça az bulğan kebek, kiñäşmädä dä tatarça çığışlar bik az buldı. Barı ber keşe – 149нче tatar-törek litsey direktorı Venera Nurieva tatarça söyläde. Ul tatar, törek, ğäräp tellärendä uqıtabız, 8нче klassta fännär ingliz telendä uqıtıla dide. Çit tellärne uquçılar kamil belep çığa dip äytte. Tatar-törek litsey eksperiment bularaq qullanılaçaq ikän kiläçäktä. Venera Nuriewa bezneñ xälebez Allağa şöker dä Qazandağı başqa küp kenä tatar mäktäpläreneñ xäle mesken şul dide. Läkin şul mesken xäldäge tatar mäktäpläre turında başqa läm-mim süz dä bulmadı yıllıq kiñäşmädä. Qazan şähäre mäğärif idäräse citäkçese İldar Galiäxmätov qına üz çığışında tatar telen uqıtunı yaxşırtırğa kiräk inde, zamança cihazlar belän tä'min itü zarur dide. Bezgä anı Londonnan da, Mäskäwdän dä kilep eşlämiäçäklär dip östäde. Şunıñ belän milli mäğärif mäs’äläse turında ber cömlä dä äytelmäde. Anıñ qarawı fizika häm ximiä fännäre öçen qayğırdılar. Tatarstan mäğärif häm fän ministrı Räis Şäyxelislamov bu ölkädä krizis dide. Ministr üz çığışında profil'le uqıtuğa basım yasadı, yäğni här bala üzenä oşağan fänne genä uqırğa tieş dide. Alarğa yaxşı belgeçlär belem birergä zarurlığın äytte. Yaxşı uqıtuçılar digännän, bıyıl uzğan uqu yılında Qazan mäktäplärenä 1200 yäş belgeç kilgän. Häm şunıñ 300 inde eştän dä kitkän. Alarnıñ ömetläre aqlanmadı dide İldar Galiäxmätov. Ul urtaça xezmät xaqı 6 meñgä yaqın buluın äytte. Häm xezmät xaqı tüläwne yañaça qararğa kiräk dide. Anıñ qarawı Qazan merı İlsur Metşin yaxşı eşläwçe mäktäp citäkçelärenä östämä xezmät xaqı tülänäçäk dide. 2 meñnän alıp 5 meñgä xätle ber ayğa dip belderde. Şulay uq olimpiadalarda ciñgän balalarğa häm alarnıñ uqıtuçılarına stipendiälär birü programması eşlänäçägen äytte. İlsur Metşin uqıtuçılarğa sotsial' ipoteкa programmasınnan da qullanırğa kiñäş itte. Bu barı Tatarstanda häm Şäymiev bulğanda ğına eşli torğan programma, monı istä totarğa kiräk. Berniçä yıldan sezneñ ul fatirlarığız tiengä töşäçäk. Çönki fatir bäyäläre yılına 20-27 protsentqa üsä dip qat-qat sotsial' ipoteкa buyınça fatir alırğa öndäde. 1 sentäberdän barlıq moxtac balalar şähär qaznası xisabına mäktäp aşxanälärendä buşlay tuqlanaçağın da äytte İlsur Metşin., Monnan tış Qazan uquçılarına buşqa kön aralaş vitaminlaştıyrıylgan söt biräçäklären belderde. Şulay uq här mäktäpkä su çistartu cihazları quyılaçağın assızıqladı. İlsur Metşin bolarğa zur aqçalar kiräk bulaçağın da härdaim äytep tordı. Şähär qaznasınıñ aqçası yuq dide. Ä bolarğa qaydan aqça alınaçağı soraw bulıp qaldı.

Landış Xarrasova

XS
SM
MD
LG