Yevropa Berlegeneñ, tınıçlıq köçläreneñ yartısınnan artığın üz xäbirlärennän tuplaw wäğdäsen, İzrail häm Liban xuplap qarşı aldı. Ber kön elek, Brusseldä Yevropa tışqı eşläre ministrları ciyınında, inde bulğan tınıçlıq köçlärenä, Libannıñ könyagına tağın 7 meñ xärbineñ cibäreläçäge turında belderelde. Barlığı Libanda 15 meñlek ğäskär bulıra tieş. Liban tışqı eşlär ministrı Fawzi Sallokh Brusseldäge ciyın näticäläre turında bolay dide:
“Bez Libanda, Brussel cıyını şundıy näticä alıp kilüe belän bäxelte. Tınıçlıq köçläre itep 7-8 meñ Yevropa xärbien ciberü, ilneñ könyagında urnaşa başlağan, Liban armiäsenä bik zur yärdäm bulaçaq.”dide Liban tışqı eşläre ministrı. İzrail tışqı eşlär ministrı wäkile Mark Regef bügen, İzrail Yevropa illären qotlyı, dide. BMOnı general sekretare Kofi Annanıñ da Yevropa Berlgeneñ bu qararın xupladı. Düşämbedä Anannıñ Libanğa baruı kötelä. Anda anıñ Liban premyer-ministrı Fuat Siniora belän oçraşuı planlaştırılğan. Anan Libanda tınıçlıq köçläreneñ urnaşuı turında söyläşergä cıyına.
