Accessibility links

Кайнар хәбәр

Fälästin xökümäte, urlanğan jurnalistlar isän-saw dip belderä


Hamas citäkçelegendäge xokumätneñ süçese Azi Hamad, bügen, urlangan 2 jurnalist isän-saw häm alar zıyan kürmägän, dip belderde. Jurnalistlar Amerikanıñ FOX News Network televideniesendä eşlägän bulğan. Xäbärçelärne urlağan keşelär üzlären İzğe Cihad törkeme atıy. Bu möña qädär bilgele bulmağan törkem. Urlawçılar, Amerikadan törmädä utırgan barlıq möselmannarnı çığarunı taläp itkän ide. Bu taläpne ütärgä birelgän waqıt bügen betsä dä, Hamas wäkileneñ çığışınnan totıq itep alınğan jurnalistlarnıñ isän buluı bilgele. Xökümät süzçese Hamad, 2 kön eçendä urlanğan jurnalistlar turında yaxşı yañalıq kötäbez dide. Hamad bü süzlären ber niçek tä añlatmadı. Operator Olaf Wiig çığışı belän Yaña Zelandiädän, anıñ kollegası produser Stev Centanni –Quşma Ştatlardan. Alar 14 avgustta yuqqa çıqqan ide. 23nçe avgustta alar töşerelgän video tasma häm urlawçılarnıñ taläpläre dönyağa kürde.
XS
SM
MD
LG