Accessibility links

шимбә, 3 декабрь 2016, Казан вакыты 09:48

Tübän Kamada tatar teleneñ xäle turında söyläşü buldı


Yäkşämbe könne Tübän Kama şähäreneñ Xalıq icatı üzägendä tatar teleneñ torışı, bügenge xäle turında söyläşü buldı. Älege çarada TİÜneñ Tübän Qama bülege, Bötendönya tatar kongressınıñ cirle bülege, şähärneñ "İslamiä" xatın-qızlar cämğiäte citäkçeläre häm äğzäläre, mäğärif, mädäniät veterannarı qatnaşa. Biredä, tatar teleneñ, tatar möriteneñ yäşäyeşe Tübän Kama şähäre belän genä çiklänep qalmadı, bu ğomum tatar yassılığında - Tatarstan häm Rusiä külämendä tikşerelde. Şuşı söyläşüne oyıştıruçılarnıñ berse - şähär TİÜ räise, Tübän Qama şähär şurası deputatı Xälil Ayupov fikere:

-Tatarstanada häm şul isäptän Tübän Qamada tatar teleneñ xäle könnän-kön qatlawlana bara. Çönki Tübän Qamada tatarça uquçı balalar sanı kimi. Balalar baqçalarında da şundıy uq xäl. Citmäsä tatarça uqıp çıqqan balalar da cämğiätkä kiräk tügel, alarğa ixtıyaj yuq. Problema şunda. Deputat bularaq bu mäs’äläne şähär Şurası utırışlarında da kütärergä omtılışlar yasadım. Läkin bu mäs’äläne kütärü şaqtıy awır. Tatarstanda ike tellek qanunın tormışqa aşıru buyınça finans mäs’äläläre turında qanun yuq. Aqça bulmağan kileş, tatar telen üsterü turında süz buluı mömkin tügel.

Bötendönya Tatar Kongressı başqarma komitetı äğzası "İttifaq" firqäse räise, yazuçı Fäwziä Bäyrämova süzlärençä, tatar däwlätçelege ideyäläre elek-elektän bar häm alar iskermägän, şul ideyälärne maqsat itärgä kiräk. Yazuçı häm publitsist Aydar Xälim federalizm şartlarında tatarlarnıñ role zurraq bulırğa tieş, dip sanıy:

-"Rusiä federatsiä bulğaç, tatar tele anda ikençe däwlät tele, anıñ ministrlarnıñ küp öleşe tatar bulırğa tieş. Tatarnıñ federal' radiosı, televidiniäse, federal' armiäse bulırğa tieş. Yılamağan balağa imi birmilär. Bezneñ Däwlät Şurası federatsiä aldında gorizontal' burıçnı qaytaru östendä eşlärgä tieşlär.

Federalizm şartlarında Rusiädäge tatarlarnıñ role xaqında Aydar Xälim fikerlären işettegez. Tübän Kamada bulğan şuşı çara barışında, töbäklärdäge tatar milli xäräkäte wäkillären mondıy söyläşülärgä kübräk cälep itärgä digän täqdimnär dä äytelde.

Tübän Kama, Ğafiulla Ğaziz

XS
SM
MD
LG