Accessibility links

Кайнар хәбәр

Tatar milli-mädäni üzäkläre aqça eşli alırmı?


Bıyılğı yartı yıllıqta Tatarstandağı tışqı säwdä äyläneşe – yäğni çit illär belän alıp-satu itü ğömerdä bulmağan däräcägä citkän - 6 milliard dollardan artqan. Ayıruça İslam konferensiäse oyışmalarına kergän illär belän tığız säwdä elemtäläre urnaştırılğan. Fevral'dän bu ölkädä maxsus törkem dä eşli başlağan. Tatarstannıñ säwdä häm tışqı iqtisadıy xezmättäşlek ministrınıñ berençe urınbasarı Linar Latıypov Qıtay, Hindiä häm Singapur belän elemtälärneñ yaxşı buluın äytte. Anda säfärlär oyıştırılğan. Bıyıl noyäberdä Qıtayda uzaçaq milli kürgäzmädä tatarstanlılar da qatnaşaçaq.

Kürgäzmälär digännän, utırışta älege kürgäzmälärneñ här wäkilleklär qarşında bulırğa tieşlege äytelde. Tatarstannıñ Azerbäycandağı wäkile Nail Zaripov

Wäkilleklärdä härdaim eşli torğan kürgäzmälär bulırğa tieş. Monda törle öre oyışmalar citäkçeläre cıyılğan. Alarnıñ keremnäre zur häm kürgäzmä oyıştıru älläni küp aqçalar taläp itmi. Tatarstandağı barlıq oyışmalarnıñ kürgäzmäse härdaim eşlärgä tieş. Bez älege kürgäzmä öçen üzebezdä binalar alaçaqbız häm aqçamın da tüläyäçäkbez. Wäkilleklär alarnıñ saqlılığı öçen cawap totaçaq. Bezneñ oyışmalar härwaqıt qatnaşıp torırğa tieşlär törle kürgäzmälärdä.

Tatarstannıñ Azerbaycandağı säwdä wäkile Nail Zaripov belderüençä küp kenä Xalıqara oyışmalarğa wäkilleklär Tatarstan oyışmalarına çaqırular cibärälär. Anda törle çit il oyışmaları kilä, ä Tatarstanlılar çaqırularnı inqar itälär.

Utırışta çığış yasağan ministrlıqnıñ töbäqära xezmättäşlekne cayğa salu bülege citäkçese Aydar Abdraxmanov BDB illären alğanda bügenge köndä Ukraina, Belorus häm Qazaqstan belän säwdä elemtäläreneñ uñışlı baruın äytte. Şul uq waqıtta ul Rusiädän tış, yäğni Tatarstannıñ törle illär belän üze genä dä xezmättäşlek urnaştıruın assızıqladı. Xäzerge waqıtta 8 il belän xökümätära kileşülär tözelgän. Anda kübräk Kamaz maşinaları, neft', neft' produktsiälären satu itü buyınça söyläşülär alıp barıla. Şulay uq banklar buyınça da eşçänlek cäyelä. Kiläçäktä Minski şähärendä Tatarstan wäkillege bankın açu qarala. Monnan tış “Aq bars” bankı Qazaqstan häm Üzbäkstanda eşçänlek alıp barıla. Utırışta bilgeläp uzılğança, iqtisadıy xezmättäşlektä çittäge tatarlar da yärdäm itä. Ministrlıqnıñ töbäqära xezmättäşlekne cayğa salu bülege citäkçese Aydar Abdraxmanov

Bilgele bulğança BDB illärendä Tatarstannıñ 5 wäkillege bar. Alar Üzbäkstan, Azerbaycan, Ukraina, Belarus', Qazaqstanda. Monnan tış 5 ildä Tatarstannıñ säwdä yortları urnaşqan. Bu Qırğızstan, qazaqstan, Ukraina, Belarus', Azerbaycanda. Säwdä yortlarında tatarlar törle oyışmalar belän elemtälär urnaştırıp yärdäm itälär.

Läkin Aydar Abdraxmanov belderüençä, bügenge köndä Tatarstannıñ säwdä yortları belän eşläwneñ yaña yunäleşlären ezlärgä kiräk. Tatarstan Prezidentı üzeneñ yullamasında Rusiä töbäklärendä häm çit illärdä milli-mädäni üzäklärne açu kiräklegen äytte. Aydar Abdraxmanov

Milli-mädäni üzäklärneñ töp maqsatı bulıp Tatarstan brendiın üsterü häm respublikanıñ uñay imidjın buldıru, monnan tış millättäşlärneñ milli-mädäni mänfägat'lären dä qayğırtu tora.

Aydar Abdraxmanov belderüençä, şul uq waqıtta Tatarstan çittäge tatar oyışmaların finanslawnı tulısı belän üz östenä ala almıy häm şuña oyışmalarğa Tatarstan häm üzlärendäge şirqat'lär arasında iqtisadıy elemtälär urnaştıru buyınça nığraq eşlärgä kiräk.

Landış Xarrasova

XS
SM
MD
LG