Accessibility links

Кайнар хәбәр

Tatar millätçeläre qarşılıq aksiäse uzdıra


16 yıl elek Tatarstan suverenitetı turındağı deklaratsiä qabul itelde. Respublika bäysezlege öçen tatar cämäğätçelege bik nıq köräşte. Alar suverenitet başqa xalıqlar belän bergä tatarğa da tigez, möstäkıyl'' bulu xoquqın birer dip ışandı. Ämma ömetlär aqlanmadı, suverenitet yalğan bulıp çıqtı, bügen dä tatar xalqına basım däwam itä, di alar bügen. Marat Mulyukov isemendäge Bötentatar ictimaği üzäge räise Yunıs Kamaletdinov söyli:

"Mäskäw Kremlendäge citäkçelär, Rusiä şovinistları yağınnan Tatarstannıñ qaldıq-postıq möstäqillek prinsipların da yuqqa çığaru öçen tatar xalqına basım bara. Qayda ul däwlät deklaratsiäse?"

Oçraşuda şaqtıy rus jurnalistları da qatnaşqaç, milli pärwärlär söyläşüne ike teldä alıp bardı. Zäki Zäynullin söyli:

"Rusiä berdäm bulsın öçen töbäklärgä iqtisadi möstäqillekne birergä kiräk. Byudjetnıñ 50 protsentı bulsa da alarnıñ üzlärenä qalırğa tieş. Menä bu nigezneñ dä nigeze. Bez 10 yıl däwamında byudjetnıñ yartısın Mäskäwgä birmägän idek, menä bit Qazan niçek maturlandı, üzgäreşlär küzgä kürenä. Xäzer 80 protsentı Mäskäwgä kitep bara. Bezne talıylar!"

Albina Zäynulla

XS
SM
MD
LG