Accessibility links

шимбә, 10 декабрь 2016, Казан вакыты 23:33

Yuğarı uqu yortlarında ğibädät urınnarı bulırmı?


Studentlarnıñ möräcäğätlären kire qağunı Tatarstannıñ mäğärif häm fän ministrlığı, qanunda bu qaralmağan dip añlatma birgän. Yuğarı uqu yortlarırnda ğibädät qılu, yäğni namaz uqu bülmäläre turında qanunda yazılmağannı studentlar üzläre dä yaxşı belä, läkin bez bit barı yärdäm itüne genä soradıq, ä taläp itmädek. Bälki añlarlar dip uyladıq di alar “Student” Qazan mäğlümat portalına. Şul uq waqıtta Rusiä qanunında ğibädät bülmälären açarğa yaramıy dip tä yazılmağan dip belderä şäkertlär.

Äytergä kiräk, Qazan finans-iqtisad institutında, Qazan däwlät universitetında studentlar, ayıruça möselmannar namaz uqu bülmälären buldırğannar da ide. Ämma räsmi bulmağaç, moña çik quyıldı.

Tatarstan möftie Ğosman xäzrät İsxaqi, arxiepiskop Anastasiy, Tatarstan ravvinı İtsxak Ğorelik 10 yuğarı uqu yortı rektorına xat yullağannar ide. Räsmi bulmağan mäğlümatlarğa qarağanda, qayber rektorlar moña teläktäşlek beldersä, ikençeläre ayaq teräp qarşı ikän. Mäğärif häm fän ministrlığı da möräcäğätne kire qaqsa da, Tatarstannıñ “Möslimä” xatın-qızlar berlege räise Nailä Cihanşinağa küp äyber rektorlardan tora dip beldergännär ministrlıqta. “Azatlıq” radiosına Nailä Cihanşina

Rektorlar bu bülmälärne möselmannar öçen genä kiräkter dip uylıy. Xristiannar, yähüdlär belän dä söyläştek, alar da borçıla yäşlär öçen. Xristiannar belän söyläşkändä alar ikona – täre quyıp bulmağaç bu bülmä kiräkmäster dä didelär. Läkin Anastasiy belän söyläşkäç añlattıq atributqa bulmasa da yarıy dip. Ul bülmälärdä dini atributqa bulmas. Kemneñ nindi waqıtta ğibädäte, şul waqıtqa raspisanie da tözep quyarbız.

Nailä Cihanşina äytüençä, ul Tatarstannıñ mäğärif häm fän ministrı Räis Şäyxelislamov belän üze oçraşqan. Ministrnıñ fikere turında Nailä Cihanşina

Räis äfände bu fikerne kiräk dip tanıdı. Häm hiçşiksez tormışqa aşır dip belderde. Çönki yäşlär gıydadätxänälärgä uqu häm eşläw säbäple härdaim kilä almıy.

Şul uq waqıtta studentlar rektorlar Mäğärif häm fän ministrlıysınnan qurqalar dip belderälär Bu xaqta “Soznanie” oyışması citäkçese, Finans-iqtisad institutı studentı İldar Yäxin bolay dide

Bilgele, bez mäğärif ministrlığı cawabı belän qänäğät tügel. Añlaşu kötkän idek. Xätta qaywaqıt rektorlar da bezne añladı. Läkin xäzer şundıy wäzğıät häm rektorlar qurqalar. Bez inde mäğärif ministrlığı tarafınnan yaqlaw kötkän idek. Häm rektorlar bezgä teläktäşlek itär dip uyladıq.

Yuğarı uqu yortlarında ğibädät bülmälären buldıru öçen ayıruça Qazan däwlät universitetınıñ yuridik fakul'tetı häm Qazan finans ik-tisad institutları studentları tırışlıq kürsätte. Federal' häm Tatarstan yuğarı uqu yortlarında belem aluçı 2 meñ yarım şäkerttän imza cıyıldı. Alarnıñ kübese dinnän yıraq torsalar, bu mäs’äläneñ möhimlegen añlap duslarına teläktäşlek kürsätte. Studentlarnıñ uqudan ayırılıp ğibädät qılu öçen mäçet yäki çirkäwgä yögerü uqunıñ sıyfatında da çağıla, uqıtuçılarda da qänäğätsezlek tudıra.

Landış Xarrasova

XS
SM
MD
LG