Accessibility links

пәнҗешәмбе, 8 декабрь 2016, Казан вакыты 17:27

Tuqay isemendäge däwlät büläkläre tapşırıldı


Sişämbe kiçendä Piramida tamaşalar zalında Tatarstannıñ G.Tuqay isemendäge däwlät büläkläre tapşırıldı. Başqa yıllarda Tuqay büläge 30 avgust – respublika häm şähär köne barışında qamal teatrı qarşında ütä torğan konsert aldınnan tapşırıla ide. Monıñ öçen Prezident Qaban küle buylap säfär qılğannan soñ teatr yanına maxsus kilü ğädätkä kerä başlağan ide. Bıyıl isä bu çara tantanalı räweştä maxsus äzerlek belän ütkärelä. Mädäniät häm sänğät yılında Tuqay büläkläre ğädättäge 2-3 keşe urınına 7 ädipkä tapşırıla. Piramida üzägendä maxsus bäyräm mäclesenä 450 gä yaqın sänğät''kärlär, yazuçılar, ğalimnär häm cämäğätçelek wäkilläre cıyıldı. TR prezidentı Mintimer Şäymiev här lawreatqa layıqlı süzlär tabıp, alarğa üzeneñ ixtiramın belderep, respublikanıñ räxmätlären citkerde. Rabit Batulla, Rawil Boxaraev, Luiza Batır – Bolğari, Marsel Galiev, Niqalay İndyuxov, Firinat Xalikov, Rafael'' Mostafin lawreat tamğasın häm diplomın alu menä şundıy zur tantanağa äwerelde. Gölnaz Şäyxetdin

XS
SM
MD
LG