Accessibility links

якшәмбе, 4 декабрь 2016, Казан вакыты 15:23

Başqort zıyalıları: "Başqort telen kösläp uqıtıu yuq"


Respublikala mäktäptär asıu dawam itä. bıyıl berense sentyäbrźan här belem usağında motlaq başqort tele uqıtıla başlay. Başqort tele uqıtıusıları mäğärif turahındağı qanundıñ oşo möhim punktın ğämälgä aşıra başlar aldınan yıyılışıp höyläşep aldı. Ular üź ostazdarın da saqırğaynı. Tarix, tel häm äźäbiät institutı yetäksehe Firźäwes Xisametdinowa başqort tele uqıtıusılarına möräjäğät itep, heź beźźeñ säyäsätte ütkärewselär tine.

Başqort tele häm äźäbiäten uqıtıu ösön Öfö mäktäptärenä öźtämä räweştä 200 uqıtıusı alına, şulay uq başqort telen uqıtıu buyınsa direktor urınbaźarı wazífahı buldırılasaq. Öfönöñ mäğärif idaralığı bülege yetäksehe Razalia Säfiullina äytewensä, başqort tele uqıtıusılarınıñ tiź arala sosial mäsälälären xäl itergä käräk bulasaq.

Qayhı ber mäğlümättär buyınsa başqort tele uqıtıusıların fatir menän tämin itew źä qarala. Respublikala qısqa ğına waqıt esendä başqort telen öyränew ösön maxsus äsbap ta äźerlängän. Ul başqort telen bötönläy belmägändär ösön täğäyenlängän. Başqortostanda älbittä, bıl qanunğa qarşı bulıusılar bixisäp. Berläşterelgän oppozisianıñ 1 sentäberźa ütäsäk sirattağı mitinğında la oşo mäsälä töp bulır tip kötölä.

Respublikanıñ başqort zıyalıları mäğärif turahındağı qanundağı üźgäreştärźeñ üź kösönä inewen ber źä başqort telen kösläp uqıtıu tip bahalamay. Ämmä qanunğa qarata xatta başqort rayondarında la qarşı bulıusılar baytaq. Äytäyek, şul uq Sibayźa ata-äsälärźeñ balaların başqort balalar baqsalarınan alıp rus balalar baqsalarına birewe turahında bildäle. Naźgöl bıyıl 1 sinıfqa bara. Başqort tele uğa tik yırlaw ösön genä käräk.

Mäğärif turahındağı qanunğa yañıraq üźgäreştär inderelgäyne. Başqortostan parlamentına ular buyınsa bik qıźıu bäxästär barźı. Xatta başqort deputattarınıñ qayhı berźäre uğa qarşı sıqtı. Tap ularźıñ qarşılaşıuı säbäple qanundı qabul itew totqarlanıp kilde lä inde.

XS
SM
MD
LG