İran prezidentı Mäxmüt Äxmädinicäd, BMO İminlek şurasınıñ, 31 nçe augustqa qädär Tähran urannı bayıtu eşlären tuqtatırğa tieş, digän taläben kire qaqtı. Sişämbe Tährandağı mätbuğat oçraşuı waqıtında Äxmädinicäd, bez nindi genä yanawlar, ultimätumnar bulmasın çigenmäyäçäkbez, dide. Bezneñ atom programmasına xoquqıbız bar, İran ber kemgä dä qurqınıç tudırmıy häm bu xoquqnı isäpkä alıp bez böten mäsälälärdä dä söyläşülärgä äzer, dip östäde İran prezidentı.
