Accessibility links

шимбә, 3 декабрь 2016, Казан вакыты 22:46

Qazannıñ Maqtawlı keşelären qotladılar


Qazannıñ inde 13 Maqtawlı keşese isemlegenä tağın dürtäw östälde. Bu tanılğan cırçı İlham Şakirov, «Kazenergo» oyışması citäkçese Räwf Kafiatullin, «Kazgrajdanproekt» institutı» cämğiäte citäkçese Marat Kafiatullin häm Rusiä Prezidentınıñ Yıraq Könçığış federal' okrugınıñ tulı wäqälätle wäkile Kamil İsxakov. Alarnıñ barısına da Qazan merı İlsur Metşin maqtaw käğäze, tasmada elengän bilge, kükräk tamğası häm 30 meñ sum aqça tapşırdı. Başta maqtawlı isem aluçılarnı Qazan üseşenä kertkän öleşläre turında bäyän itelde.

İlham Şakirovtan soñ bertuğan Räwf häm Marat Kafiatullinnı qotladılar. Läkin barlıq cıyılğan deputatlar Kamil İsxakovnı täbrikläwlären kötte. Anı zalğa kergändä basıp qarşı aluları uq, äle anıñ komandasınıñ äle şaqtıy köçle buluın kürsätte. Bilgele ki, Kamil İsxakov üze dä yaqındağıların onıtmıy. Qayberlären Yıraq Könçığışqa eşkä ala, qayberlären Mäskäwgä urnaştıra. Äle bu könnärdä genä İsxakov waqıtında Qazan xakimiätendä mädäniät ölkäsendä citäkçe bulıp torğan Älfiä Tutayıva Mäskäw eşli başlayaçağı bilgele buldı. Räsmi bulmağan mäğlümatlarğa qarağanda, ul Yıraq Könçığış federal' okrugınıñ Mäskäwdä urnaşqan İsxakov tantanada barlıq üze belän eşlägän deputatlarğa räxmät äytte. Ämma berençe bulıp tuğannarına – tantanağa kilgän äti-änise, xatınına, balalarına möräcäğät itte. Kamil İsxakov

Ätiem-äniem, minem öçen sezneñ alda bu isem belän basıp toru bik zur bäxet. Sez bu tormışta miña küp äyber birdegez. Bu minem öçen tarixi, zur waqiğa.

Qamil İsxakov minem kitüem kötmägändäräk kilep çıqtı, äle xäzer dä aynıp betä almıym dide. 17 yıl buyı Qazan xakimiäte citäkçese bulğanda tuplanğan täcribä yärdäm itä dip belderde. Yıraq Könçığışta eşlägändä dä berençe bulıp sezne iskä alam dip assızıqladı. Mintimer Şäymiev närsä dip äyter ikän dip uylap quyam. Kamil İsxakovnıñ şaqtıy dulqınlawnı, äle bügen dä Qazannı sağınuın kürsätte. Ul anı üze dä yäşermäde. “Maqtawlı Qazan keşese” isemen alu anıñ öçen böten büläklärdän dä iñ qäderlese buluın äytte. Min Yıraq Könçığışta eşlägändä dä sezneñ yözgä tap töşermäs öçen genä bulsa da bar köçemnän kilgänçä tırışaçaqmın dide.

Landış Xarrasova

XS
SM
MD
LG