Accessibility links

Кайнар хәбәр

Kamal teatrı aldında garmunnar uynadı


Ğ. Kamal isemendäge Tatar däwlät akademiä teatrı mäydanı 30 avgust könne irtänge säğät 11.00 dä ük inde törle garmun moñnarı belän yañğırap tordı. Festival''dä uynağan garmunçılarnı kürep qalırğa, dip cıyılğan tamaşaçı da şaqtıy buldı .

Bıyıl bu festival''gä, xätta Rusiäneñ başqa töbäklärennän dä millättäşlär kilgän ide. Anda milli kiemnär kigän üzeşçän häm mäşhür artistlar, ölkän yäştäge häm yäş garmunçılar, häm bik küp tamaşaçı cıyılğan ide. Biredä törle yıllarda Fäyzulla Tuişev isemendäge respublika buyınça garmunçılar häm bayançılar bäygesendä lawreat isemenä iä bulğan muzıkantlar, instrumental'' ansambl''lär, üzeşçän artistlar çığış yasadı.

Tatarstanda yıl sayın uza torğan “ Uynağız garmunnar!” xalıq cırı häm muzıkası festivale bıyıl da Respublika xalıq icatı metodika üzäge tarafınnan oyıştırılğan. Bıyılğı festival''neñ üzençälege turında sez xäzer metodik üzäkneñ bülek mödire Fäniä Xäsänovadan häm kompozitor Rif Ğataullinnan işetersez.

Bu festival'' Qazannıñ 1001 yıllığına bağışlana. Ul elegräk may ayında uzdırıla ide ayırım ber bäyräm bulıp. Bıyıl , başqa yıllarğa qarağanda, azraq garmunçı kilde. Uzğan yılnı 500 garmunçı cıyılsa, bıyıl bu festival''gä 78 garmunçı kilde. Alar başqalağa yaqın bulğan rayonnardan cıyıldılar.

Fäniä Xäsänova:

“Bu festival'' respublikada bıyıl 21 tapqır ütkärelä. Bıyıl festivalgä respublikanıñ 30 rayonınnan 100 yaqın ayırım uynawçı garmunçı, häm 20 yaqın garmunçılar ansambl''läre, häm fol''klor kollektivları qatnaşa. Häm şulay uq çit töbäklärdän, Tömän häm Çiläbe töbäklärennän biü häm cır kollektivları da kilde.”

Aydar Xafizov rejisserlısında barğan bu festival''dä Tatarstannıñ danlıqlı garmunçıları da qatnaşa. Xäzer sez maxsus Azatlıq radiosı tıñlawçılarına Röstäm Väliev, Rinat Väliev häm Kiram Satiev başqaruında tatar xalıq köylären işetersez.

“Garmun yäşäsä tatar yäşär, tatar yäşäsä- garmun yäşär” dip östäp äytep quydı Kiram Satiev.

Mälikä Basıyr

XS
SM
MD
LG