BMO general' sekretare Kofi Annan, İzrail belän Liban arasındağı mönäsäbätlärne tizräk cayğa salırğa, çaqırdı. Annan Yaqın Könçığış buylap säfären däwam itä. Pänceşämbe ul Ürdün patşası Ğabdulla ikençe belän oçraştı. Comğa könne Süriä citäkçelege belän söyläşülär planlaştırılğan. Söyläşülär äle küptän tügel genä bulğan izrail-liban nizağı häm anıñ näticäläre turında. BMO general' sekretare qabat Libannıñ könyäğınnan İzrail ğaskärlären kiçekmiçä çığaru kiräklege turında äytte.
“Min üzemneñ fikeremne İzrail räsmilärenä citkerdem dip ışanam. Libannıñ könyäğında Liban xärbiläre belän xalıqara tınıçlıq köçläreneñ sanı 5 meñ keşegä citügä ük, İzrail ğaskärläre Könyaq Libannan çığıp betergä tieş. Monıñ ähämiäte bik zur. Bu adım kileşü şartların nığıtaçaq”,- dide Kofi Annan.
Liban premer-ministrı Fuad Siniora tizdän İzrail belän äsirlär almaşu bulırğa tieş, dip belderde.
Liban premer-ministrı Fuad Siniora tizdän İzrail belän äsirlär almaşu bulırğa tieş, dip belderde.
