Accessibility links

шимбә, 3 декабрь 2016, Казан вакыты 05:42

Yaña Ştab başlığı bilgelände


Dönyanıñ bälkim ber ilendä dä yaña ber General Ştab başlığınıñ bilgelänüwenä şul xätle ähämmiät birelmi torğandır. Asılda prosedura buyınça Armia Generalı häm Cirle Köçlär Komandirı Yaşar Büyükanıtnıñ şuşı postqa kiläçäge ber yıldan elek ük bilgele ide. Şuña qaramastan Generalştab başlığı Hilmi Özkök yomışaq, AK partiä xökümäteneñ islamçı politikasına qarşı çıqmıy, PKKğa qarata tieşençä çara kürä almıy kebek spekulatif xäbärlär çığa häm Büyükanıt böten bolarnı çişäçäk şäxes digän fikerlär äytelä başlandı.

Törkiädä öç märtäbä xärbi putç yasağan armiägä, anıñ generalları äytkän süzlärgä zur ähämmiät birelä. Menä inde Armiä Generalı Yaşar Büyükanıt General Ştab başlığı postına mende. Ul bugengä xätle yasağan kimendä öç räsmi çığışında da “Törkiä bugengä xätle şundıy qurqınıç basımı astında bulmadı, Törkiädä radikal dinçelek häm seperatizm qurqınıçı bar, ämma Törek armiäse alarğa yul birmäyäçäk” digän kisätülär yasadı. Şuşı süzläre belän ul xalıqnıñ zur öleşen qänäğätländerde. Läkin xäzer Törek Qorallı Köçläre ni xätle eçke häm tışqı säyäsätkä tıqşınaçaq, xökümät alarnı säyäsättän ni xätle yıraqta tota alaçaq digän citdi sorawlar tuwa.

Äxtäm İbrahim, İstanbul
XS
SM
MD
LG