Accessibility links

якшәмбе, 4 декабрь 2016, Казан вакыты 21:27

Kofi Annannıñ İranğa säfäre başlandı


BMO general' sekretare söyläşülär başlanğançı, Tähranğa kilep citkäç tä, bolay dip belderde: “Min Tähranğa Berläşkän Millätlär Oyışmasınıñ Libandağı wäzğeyätkä qağılışlı 1701 nçe rezolutsiase ütäleşen tikşerergä kildem. Dönya cämäğätçelegen häm töbäkne borçıy torğan mäsälälär turında fiker alışırğa ömetlänäm. İran citäkçelege belän söyläşülärne optimizm belän kötäm”.

Annan İrannıñ tışqı eşlär ministrı Manuçer Motaqki häm atom-töş tikşerüläre öçen cawaplı, ilneñ milli iminlek şurası başlığı Ali Laricani belän dä oçraşa. BMO general' sekretare bu söyläşülär waqıtında iran citäkçelegen izrail-liban nizağı turındağı BMO rezolutsiasene taläplären ütärgä häm Xizbullağa qoral birüne tuqtatırğa çaqırırğa cıyına.

Quşma Ştatlar häm Europa berlege İran belän Süriäne Xizbullanı qoral belän täemin itüdä ğäyepli. Ämma Şäm-şärif belän Tähran, bez barı tik säyäsi teläktäşlek kenä kürsätäbez, dip belderä.

XS
SM
MD
LG