Evropa Berlege İranğa çikläwlär kertergä aşıqmıy

Söyläşülär yulı belän İrannıñ atom-töş programması tiräsendä tuğan problemalarnı cayğa saluğa ışana. Kiläse atnada Evropa Berlegeneñ tışqı säyäsät başlığı Xävier Solana İrannıñ atom idäräse başlığı Ali Laridcani belän oçraşıp İrannıñ bu mäsälägä qaraşın açıqlarğa tieş. İtalia tışqı eşlär ministrı Massimo D-Alema bolay dip belderde: “Bez älegä nindi dä bulsa qarar çığarırğa aşıqmıybız. Bez Solana söyläşüläreneñ näticäsen kötäçäkbez. Min aña monıñ öçen küpme waqıt: könnär, atnalar kiräk buluın belmim, ämma bez Xävier Solanağa ışanabız”.

Pänceşämbe könne BMO İminlek şurasınıñ İranğa atom tikşerülären tuqtatırğa dip quyğan waqıt bette. Ämma İran bu täläpne ütämäde.