Accessibility links

якшәмбе, 4 декабрь 2016, Казан вакыты 13:25

Omski yäşläre Qazannan qayttı


16-nçı “Tatar yäşläre könnärendä” bıyıl Omskidan 6 keşe qatnaştı. Alarnıñ aldan bilet xästäre kürgän öçese 2 sentäber könne şähärgä äylänep qayttı. Timeryullar vokzalında yegetlärne tuğannarı belän bergä “Azatlıq” xäbärçese dä qarşı aldı. Poyızdan töşügä yäşlär yal waqıtında küñellärendä tuğan xisläre belän urtaqlaştılar. Qazan alarnı soqlandırğan, ğorurlıq xisläre tudırğan.

Renat Tuxtametov ta, Dänis Çumarov ta, Ruslan Siracetdinov ta tatar yäşläre könnärendä berençe märtäbä qatnaştılar. Tatarça söyläşä belmäw säbäple, xislären alar rus telendä belderdelär. Ruslan Siracetdinov süzlärençä, yäşlär cäyläwendä tatarça söyläşä belmäwçelär alar ğına bulğan.

Tatarça söyläşä belmäsäk tä, bez anda ber-berebez belän yaxşı añlaştıq, - di Ruslan. Yäşlär cäyläwendä ul tatarça öyränergä dä tırışqan. Döres, anıñ tel baylığı älegä berniçä süzdän genä tora.

Ruslannıñ ätise Ädhäm äfände dä ulınıñ tatar telen öyränüen teli.

Dänis Çumarov isä teläge bulsa da tel öyränergä mömkinlek tapmağan, yäşlär anda üzara tatarça da, rusça da aralaşalar,-di ul.

Renat Tuxtametov tatar telendä añlaşa alsa da, törle yaqtan kilgän yäşlärneñ törle dialektlarda söyläşüläre säbäple, aña da aralaşu qıyın bulğan. Söyläşlär ayırılsa da, tamır ber, tağı beraz waqıt bulsa, söyläşä başlar da idek,-di Renat.

Yegetlär berseneñ süzen ikençese tulılandırıp yäşlär könnärendä bulğan çaralar turında söylädelär. Ruslan Siracetdinov Qazan Kremlendä buluları, şağirlär, artistlar belän oçraşuları, sabantuy uyınnarında, Respublika könendä qatnaşuları turında söyläde. Renat Tuxtametov Qazanğa Tuqay muzeyena baruları, Tuqaynıñ tuğan yağına säyäxät qıluları, şähär könendä tatar estradası yoldızları konsertın qarawları turında da östäp äytte. Döres, ul tağın da kübräk çaralarğa ömetlängän – Bolğar cirlären barıp kürergä xıyallanğan bulğan. Bezgä Bolğar turında söylädelär genä. Barıp üz küzeñ belän kürü bötenläy başqaça bulır ide, - di ul. Ğomum alğanda, tatar yäşläre könnärendä qatnaşqan yegetlär Qazanda bulularınnan ifrat qanäğät qalğannar. Mömkinlek bulsa, aldağı yıllarda da baraçaqbız, didelär alar.

Rozaliä Sayganova, Omski.

XS
SM
MD
LG