Accessibility links

якшәмбе, 4 декабрь 2016, Казан вакыты 17:26

Yäşlärneñ xezmät bazarı yabılamı?


Yäşlärgä yärdäm itü kiräklege xaqında äledän-äle söyläp toralar. Monıñ öçen Tatarstanda maxsus ministrlıq ta eşläp kilä, yäşlärneñ eşkä urnaşu xoquqın yaqlıy torğan qanun qabul itelgän. Ämma yäş keşelärgä yärdäm itärgä tırışular süzdä genä qalmasmı? Çönki yäşlärgä eş urınnarı täqdim itüçe bazar yabılırğa tora.

Böten respublikada optimal'läşterü yäğni törle oyışmalarnı qısqartu, beterü eşläre barğanda, yäşlärneñ xezmät bazarına da çirat citte. Çıqqan qarar nigezendä xezmät bazarı kiläse yıldan yabılaçaq. Qısqası, yäşlärne eş belän tä'min itü öçen respublika byudjetında aqça taba almağannar. Tatarstannıñ yäşlär eşläre, sport häm turizm ministrlığı, ictimaği palata häm başqa berniçä oyışma yäşlärne yaqlap çıqtı. Yäşlär ministrlığı wäkile Aydar Tahirov “Azatlıq” radiosına menä närsä äytte:

Yäşlärgä eş urınnarın täqdim itüçe bu berdänber oyışma respublikada. Anı berniçek tä beterergä yaramıy. Şuña kürä bez ministrlar kabinetına üz täqdimnärebezne yulladıq.

Ä bälki eş çinovniklarnıñ byudjet aqçasın yuğaltırğa qurqudadır. Ni disäñ dä, yäşlär ministrlığı qaramağında bik küp bülekçälär eşli, ämma alarnıñ effektiv eşläwe ul inde başqa mäs'älä. Şul uq yäşlärneñ xezmät bazarı. Tik statistik mäğlümatlarğa qarağanda, älege oyışma yıl sayın meñlägän student häm uquçını eş belän tä'min itä. Bıyıl, mäsälän, anda 5 meñ keşe möräcäğät itep, şularnıñ yartısı eşkä urnaşqan. Belgeçlär äytüençä, ägär dä bu döreslekkä turı kilsä, bu bik yaxşı kürsätkeçlär.

Şulay itep, älegä yäşlärgä eş urınnarın täqdim itüçe oyışmanıñ yazmışı bilgesez bulıp qala. “Komsomol'skaya pravda” gäzite mäğlümatlarına qarağanda, Tatarstan premyer-ministrı Röstäm Minnexanov bu oyışmanı yabu turındağı qanunnı yañadan tikşerergä cıyına.

Al'bina Zäynulla

XS
SM
MD
LG