Accessibility links

чәршәмбе, 7 декабрь 2016, Казан вакыты 15:31

"Tahircannar"ğa qarata mäxkämä utırışı başlandı


Düşämbedä Tatarstannıñ tanılğan cinayätçel törkeme Tahircanovçıylar”ğa qarata mäxkämä başlandı. Sovet rayonı Eçke eşlär idäräse binasında uza torğan berençe mäxkämä utırışında 16 ğäyeplänüçeneñ 15е, şul isäptän älege törkemneñ liderı Eduard Tahircanov ta qatnaştıdip xäbär itä “Tatar- inform” mäğlümat agentlığı. İsegezgä töşeräbez, Çallınıñ älege cinayätçe törkemendä qatnaşuçılar 1995 yıldan 2003 yılğa qädär cinayätçelär tarafınnan barlığı 22 keşe üterelgän häm 12 keşe urlanğan. 2006 yılnıñ 23 mayında 124 tomlıq cinayät eşe Tatarstan Yuğarı mäxkämäsenä cibärelgän. Mäxkämägä törle maddälär buyınça barlığı 72 cinayät eşe tapşırılğan. Düşämbedä utırış zalında ğäyeplänüçelärneñ kübese alarğa täqdim itelgän advokatlardan baş tarttı. Ğäyeplänüçelärneñ berse awıru säbäple qatnaşmaw arqasında, mäxkämä utırışı 2 sentäbergä qädär kiçekterelgän. Ğomümän, mäxkämä eşe ber yılğa yaqın däwam itärgä mömkin. Gölnaz Şäyxetdinova

XS
SM
MD
LG