Accessibility links

җомга, 9 декабрь 2016, Казан вакыты 08:55

Dilmöxämmätov ekstremizmğa öndäwdä ğäyeplände


Başqort kongressı oyışması citäkçese Ayrat Dilmöxämmätov 2005нче yılda uram cıyınındağı çığışı häm qul xäräkäte öçen ekstremizmda ğäyeplängän ide. Anıñ qulı belän muyının sızıp kürsätüen Başqortstan Prezidentı xakimiäte başlığı Radiiy Xäbirov suyışqa çaqıru dip qabul itte. Dilmöxämmätov üze monı “sıt po ğorlo”, yäğni xakimiättän tuyuın kürsätü dip añlattı. Ağımdağı yılnıñ 5нче mayında uzğan mäxkämä anı monıñ öçen şartlı ber yılğa xökem itte. İnde aña qabat ğäyepläw belderelde. Monısı Viktor Şmakovnıñ bäysez “Provinsial'nıye vesti” gäzitendä kön kürgän yazmalar öçen. Eş şunda, avtorı A.D. dip quyılğan ike mäqälädä inqilab yasaw häm ciñüdän soñ berençe 100 köngä programma basılğan ide. Prokuratura monı ekstremizm dip ekspertlarğa birde, Ufa belgeçläre annan ekstremizm tapmağaç, mäqälälär İdel buyı federal' okrugı ekspertlarınnan tikşertelgän. Alar, kiresençä, ekstremizmğa, säyäsi köçläwgä, Başqortstan xakimiäten qulğa aluğa çaqıru dip bäyälägännär. Şul säbäple prokuratura Ayrat Dilmöxämmätovqa ğäyepläw belderde.

XS
SM
MD
LG